სარბიელის სინი ყოჩებმა დაიბრუნეს

„სარბიელის სინის“ გათამაშების იდეა 1995 წელს გაგვიჩნდა. იდეა, ჩვენს თანამშრომელს, ცხონებულ ზაალ გიგინეიშვილს დაებადა. სინი აქამდე 23-ჯერ გათამაშდა, მისი ბოლო გამარჯვებული 2013 წელს „ყოჩები“ გახდა, რომელმაც მაშინ „ლელოს“ – 29:27 მოუგო.

ახლახან კი რაგბის ქომაგმა რამაზ უკლებამ 9 წლის წინ გამქრალი „სარბიელის“ სინი მოიძია და რაგბის კავშირს გადასცა.

No description available. რაგბის კავშირმა „სარბიელის სინის“ გასათამაშებლად ამჯერადაც „ყოჩებისა“ და „ლელოს“ შორის დიდი 10-ის კალენდარული შეხვედრა შეარჩია. თამაში 14 ოქტომბერს, „რაგბი პლატოზე“ გაიმართა. შეხვედრა ყოჩებმა 16:5 მოიგეს და „სარბიელის სინი“ 9 წლის შემდეგ დაიბრუნეს…

ყოჩები-ლელო 16:5

ყოჩები: გ. კურტანიძე (ლელო); ფურცხვანიძე (3 საჯარიმო, გარდასახვა)

სინბინი: ბიწაძე; გაძევება: მახათაძე

ლელო: გ. კურტანიძე (ლელო)

სინბინი: აბესაძე

თამაში მძიმედ, ხშირი შეცდომებითა და წესის დარღვევებით წარიმართა. “ყოჩები” მე-20 წუთიდან კაცნაკლულნი დარჩნენ, რადგან არბიტრმა რომან მახათაძეს წითელი ბარათი უჩვენა. ბოლნისელებმა პირველი ნახევარი მაინც 3:0 მოიგეს.

ანგარიში მე-60 წუთამდე უცვლელი იყო. ბოლო 20 წუთი ბოლნისელებმა უკეთ ჩაატარეს და 78-ე წუთისთვის 16:0-ს იგებდნენ. ლელოელებამა ბოლოსწინა წუთზე ერთი ლელო გაიტანეს და მშრალი ანგარიშით წაგებას გადარჩნენ…

შეხვედრის საუკეთესო მოთამაშედ „ყოჩების“ შერკინების ბურჯი ბაჩუკი ჭუმბაძე აღიარეს.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.