ოსიმენის ბედნიერება

ვიქტორ ოსიმენი მამა გახდა. გუშინ მან „ნაპოლის” ვარჯიში გამოტოვა, რითაც ყურადღება მიიპყრო. დაიწყეს მარჩიელობა, გაჩნდა ეჭვი, რომ მას კვლავ ტრავმა გაუმიზეზდა. ამ ჭორების ჩასაცხრობად „ნაპოლიმ” გაავრცელა ცნობა, რომ ცენტრალურმა თავდამსხმელმა ვარჯიში პირადი მიზეზის გამო გამოტოვა, მაგრამ თავიდან არ დაუზუსტებია, კერძოდ რაზე იყო ლაპარაკი.

მოგვიანებით ყველაფერი თავის ადგილზე დადგა. გაირკვა, რომ 23 წლის ნიგერიელს ქალიშვილი შეეძინა. მისთვის სასიხარულოა ისიც, რომ გამოჯანმრთელების საქმე კარგად მიდის და კვირას კრემონეს „ჯოვანი ძინის” სტადიონზე თამაშის დიდი შანსი აქვს.

ოსიმენს ლუჩანო სპალეტის გუნდში 7 სექტემბრის შემდეგ არ უთამაშია. ბოლოს ის „ლივერპულთან” 4:1 გამარჯვების დღეს გავიდა მოედანზე, მაგრამ უკვე აწუხებდა ტრავმა და მატჩი ვერ ჩაამთავრა. მას მარჯვენა ფეხის ორთავა კუნთზე მოუხდა მკურნალობა.

Khvicha Kvaratskhelia and Victor Osimhen of SSC Napoli during the UEFA Champions League match between SSC Napoli and Liverpool FC at Stadio Diego...