უეფამ რუსეთს უარი გააწნა

რუსეთის საფეხბურთო კავშირმა მიიღო გადაწყვიტილება, რომ ოკუპირებული ყირიმის გუნდები – სიმფეროპოლის „ტავრია“, „სევასტოპოლი“ და იალტის „რუბინი“ რუსეთის ჩემპიონატში ჩართოს.

სამივეს პირდაპირ მეორე ლიგაში დაუშვებენ. თუმც, ევროპული ფეხბურთის მმართველმა ორგანომ რუსების ამ გადაწყვეტილებას მხარი არ დაუჭირა.

„დაბეჯითებით გთხოვთ გაეცნოთ გადაწყვეტილებას, რომელიც UEFA-ს აღმასრულებელი კომიტეტის მიერ, 2014 წლის დეკემბერში იქნა მიღებული. რაც შეეხება ყირიმის სიტუაციას, UEFA-ს საგანგებო კომიტეტის 2014 წლის 22 აგვისტოს მიღებული გადაწყვეტილების თანახმად, ყირიმულ კლუბებს აეკრძალათ რუსეთის მიერ ორგანიზებულ შეჯიბრებაში მონაწილეობა, ეს რეგიონი ხომ „განსაკუთრებულ ზონად” ითვლება“, – წერის უეფას გავრცელებულ განცხადებაში.