იგა ! – სარბიელი

Iga Swiatek vs. Ons Jabeur result, score and highlights from 2022 US Open women's final as world number one triumphs | Sporting News 2016 წლის შემდეგ პირველად, გერმანელი ანგელიკ კერბერის შემდეგ, ქალმა ჩოგბურთელმა სეზონში ერთზე მეტი სლემი მოიგო – 21 წლის პოლონელმა იგა შვიონტეკმა წლევანდელ „როლან გაროსს“ ამერიკის ღია პირველობის ტიტული მიამატა. სულ კი ეს იგასთვის მესამე „დიდი სლემი“ გახლავთ, აქამდე მას „რონალ გაროსი“ 2020-შიც მოეგო… სულ, კარიერაში შვიონტეკმა მეათე ტურნირი მოიგო (შვიდი წლეულს).

US OPEN-ის ფინალში იგა შვიონტეკმა 7:6 6:2 სძლია ტუნისელ ონს ჟაბერს.

შეხვედრის სტარტი პოლონელ ჩოგბურთელს ფანტასტიკური გამოუვიდა – ადრეული ბრეიკი შეასრულა და 3:0 დაწინაურდა. ჟაბერი თითქოს დროულად გამოფხიზლდა და უკუბრეიკის წყალობით მინიმუმამდე დაიყვანა მეტოქესთან ჩამორჩენა 2:3.

თითქოს სეტში ინტრიგა დაბრუნდა, თუმცა არა – იგამ ზედიზედ 3 გეიმი მოიგო და მასთან ერთდ პარტიაც 6:2.

მეორე სეტის სტარტზე შვიონტეკი ისევ 3 გეიმიანი უპირატესობით დაწინაურდა და წესით აღარ უნდა გასჭირვებოდა მატჩის ლოგიკურ გამარჯვებამდე მიყავანა, მაგრამ ტუნისელმა მეტოქემ თამაშის სტილი შეცვალა – ბევრად უფრო აგრესიული გახდა და დიდი წვალების შედეგად პარტია ტაიბრეიკამდე მიიყვანა 6:6.

საბოლოოდ კი მაინც შვიონტეკმა იმარჯვა 7:5 და ტურნირიც მორიგი ტიტულით დაამთავრა.

US OPEN-ის მოგებით შვიონტეკმა 2,6 მილიონი დოლარი გამოიმუშავა, 2022 წელს კი ჯამში 9 მილიონ დოლარზე მეტი აქვს უკვე მოგებული.

Swiatek swats aside Jabeur to claim first U.S. Open title | Reuters

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...