დედოფლის გარდაცვალება ნაპოლის კალენდარს ეხება

დიდი ბრიტანეთის დედოფლის ელისაბედ მეორის გარდაცვალებამ ჩემპიონთა ლიგის მეორე ტურის მატჩის „რეინჯერსი”-„ნაპოლის” ჩატარება ეჭვქვეშ დააყენა. წესით შეხვედრა 13 სექტემბერს გლაზგოში უნდა გაიმართოს, მაგრამ შოტლანდიურმა კლუბმა გაავრცელა ოფიციალური განცხადება, რომ მიმდინარეობს მოლაპარაკებები უეფასთან შეხვედრის გადადებასთან დაკავშირებით.

„ჩვენთვის კარგად არის ცნობილი, რომ დიდი ბრიტანეთისთვის ამ რთულ დროს შეიქმნა და ჯერაც არსებობს გაურკვევლობა მომავალ კვირაში გულშემატკივართა მგზავრობასა და თამაშზე შეშვებასთან დაკავშირებით. გვესმის, რომ სამოქალაქო რესურსი და პოლიცია ზეწოლის ქვეშ აღმოჩნდება, განსაკუთრებით სამშაბათს, 13 სექტემბერს. შეგვიძლია დავადასტუროთ, რომ 13 სექტემბერს „ნაპოლისთან” დანიშნულ მატჩთან დაკავშირებით მიმდინარეობს მოლაპარაკებები უეფას, შოტლანდიის პოლიციასა და „რეინჯერს” შორის. ჯერჯერობით კალენდარში რაიმე ცვლილება არ არის შეტანილი”, — წერია განცხადებაში.

Khvicha Kvaratskhelia of SSC Napoli and Mohamed Salah of Liverpool FC compete for the ball during the UEFA Champions League match between SSC Napoli...