37 წლის კრიშტიანუ რონალდუ ასაკის მიუხედავად ჩინებულად თამაშობს და მსოფლიოს ერთ-ერთი საუკეთესო სპორტსმენია, მაგრამ ამჯერად თქვენს ყურადღებას სხვა რამეზე გავამახვილებთ: betting.com-ის ინფორმაციით პორტუგალიელი გახლავთ სპორტსმენი, რომლის გვარ-სახელსაც ადამიანები ყველაზე ხშირად წერენ ინტერნეტის საძიებო სისტემაში.
რონალდოს შესახებ ამა თუ იმ ინფორმაციას თვეში 11 მილიონი ადამიანი ეძებს. ეს დაახლოებით 5 მილიონით მეტია ამერიკული ბურთაობის ვარსკვლავის რაიან რამზიკის ძიებათა რაოდენობასთან შედარებით.
შემდეგ მოდის „პარი სენ ჟერმენის” ბრაზილიელი ვარსკვლავი ნეიმარი, რომელიც NBA-ს დიდ წარმომადგენელ ლებრონ ჯეიმსს უსწრებს.
ლეო მესი, რომლის სახელიც რონალდუს სახელის ხსენებისთანავე წამოტივტივდება ხოლმე გონებაში, მეხუთეა.
მის შემდეგ ისევ ამერიკული ბურთაობის წარმომადგენელია — სუპერბოულის შვიდგზის გამარჯვებული ტომ ბრეიდი, რომელსაც ფორმულა ერთის პილოტები ლუის ჰამილტონი და მაქს ფერსტაპენი მოსდევენ.
ათეულში შედის ამერიკული ბურთაობის კიდევ ერთი ვარსკვლავი არონ როჯერსიც, ბოლო კი ირლანდიელი კონორ მაკგრეგორია — შერეული საბრძოლო ხელოვნების წარმომადგენელი.
ავტორის პროფილი
- "სარბიელის" ძველი ავტორია. იშვიათად ილია ბაბუნაშვილის ფსევდონიმითაც წერს. ხანდახან ცდილობს იხუმროს, მაგრამ უწყინარია.
უახლესი პოსტები
აქეთურ-იქითური21/06/2026 | 10:06ქარხნის მუშის გაბრწყინება
აქეთურ-იქითური20/06/2026 | 13:13ესპანური მედია წერს, რომ იამალი დაღვინდა
მთავარი ამბავი20/06/2026 | 09:48პირზე ხელის აფარებისთვის გაძევებული ალმირონი
აქეთურ-იქითური20/06/2026 | 06:53ალჟირმა პროტესტი შეიტანა