ევროპა ბერლინისკენ!

jovoto / Euro 2024 Germany / Aim, shoot, score: Your 2024 bid logo! / Deutscher Fußball-Bund ევროპის 2024 წლის ჩემპიონატის შესარჩევი ეტაპის წილისყრა წლეულს 9 ოქტომბერს გაიმართება.

შესარჩევი მატჩები კი გაისად მარტში დაიწყება და ნოემბერში დასრულდება. ფინალურ ეტაპს რაც შეეხება, 14 ივნისს დაიწყება და 14 ივლისს დასრულდება.

დამტკიცდა, რომ ფინალი ბერლინის „ოლიმპიაშტადიონზე“ ჩატარდება, ხოლო გახსნა – მიუნხენის „ალიას არენაზე“.

ბერლინისა და მინხენის გარდა, კონტინენტის პირველობას გერმანიის კიდევ 8 ქალაქი უმასპინძლებს – დორტმუნდი, ჰამბურგი, დიუსელდორფი, კიოლნი, გელზენკირხენი, ლაიფციგი, ფრანკფურტი, შტუტგარტი.

გერმანიის გარდა ჩემპიონატში კიდევ 23 ქვეყნის გუნდი ითამაშებს … ევროპის 55 ქვეყნიდან 23 გავა და ეს საქართველოსთვის შანსია. ბევრად მეტი შანსი, ვიდრე ეს მსოფლიო ჩემპიონატის შესარჩევშია ხოლმე.