ნიდერლანდელმა კლარენს ზეედორფმა ისლამი მიიღო.
45 წლის ასაკში შეიცვალა სარწმუნოება… სახელ-გვარი იგივე დაიტოვა: კლარენს ზეედორფი.
„დიდი მადლობა კეთილი სურვილებისთვის, რომელიც ჩემს მუსულმანურ ოჯახში შესვლას მოჰყვა. მოხარული ვარ, მით უმეტეს ვემადლიერები ჩემს მეუღლე სოფიას, რომელმაც მასწავლა ისლამის ღრმა შინაარსი. ყველას სიყვარულს გიძღვნით!“ – დაწერა ზეედორფმა სოციალურ ქსელში.
შეგახსენებთ, ზეედორფი ისტორიაში ერთადერთი ფეხბურთელია, რომელმაც ჩემპიონთა ლიგა სამ სხვადასხვა გუნდში მოიგო: „აიაქსი“, „რეალი“, „მილანი“ (ორჯერ).
