საშინელებათა ფილმია?

უკრაინელი ანდრეი ვორონინი გემახსოვრებათ. ვარსკვლავი არ იყო, მაგრამ „ლივერპულში“ და სხვა ძლიერ გუნდებშიც თამაშობდა. სწრაფი უკრაინელი, სულ გოლზე დაგეშილი.

ბოლო პერიოდში ვორონინი მოსკოვის „დინამოს“ სამწვრთნელო შტაბში მუშაობდა – ასისტენტად. ამ გაგანია ომის დროს კი კონტრაქტი გაწყვიტა.

„უამრავი მეგობარი მყავს კიევში, ხარკოვში და სხვა ქალაქებშიც, სადაც რუსული აგრესიაა. ასევე ჩემს მშობლიურ ოდესაშიც. ყოველ 5 წუთში ცუდი ინფორმაცია მომდის, ეს უკვე აუტანელია. მინდა, ყველას დავეხმარო.

… მეამაყება, რომ უკრაინელი ვარ. დიდებული ხალხი, ბრწყინვალე ადგილები.

… ეს საშინელებათა ფილმს ჰგავს და სიტყვებს ვერ ვპოულობ. მესიჯები მომდის მთელი მსოფლიოდან და მათ შორის რუსებისგან, რომელთა შინაარსი ერთნაირია: „ბოდიში, ეს ჩვენ არ ვართ“.

… რა სურს პუტინს? თავად იცის? იქნებ მხოლოდ იმიტომ აკეთებს, რომ ისტორიულ წიგნებში მოხვდეს? მაგრამ ის იქ ვერასოდეს ვერ მოხვდება“.

ავტორის პროფილი

ილია ნანობაშვილი: კახელის კვალობაზეც კი გასაოცარი სიდინჯის პატრონის მთავარი ზვარი ქართული ფეხბურთია, მაგრამ, ყოველი შემთხვევისთვის, მისი თანდასწრებით „ვალენსიასა“ და ბრაზილიის ნაკრების აუგად ხსენებასაც არ გირჩევთ

უახლესი პოსტები

Post Views: 12