ერთსაათიანი დუბაი

ბასილაშვილი დუბაის ტურნირს გამოეთიშა (ვიდეო) | Live.ge სულ ერთი საათი დაჰყო დუბაის ATP-ის 500-იანი სერიის ტურნირზე ნიკოლოზ ბასილაშვილმა.

ჩვენებური პირველივე წრეში „იღბლიანი დამარცხებულის“ სტატუსით ძირითად ბადეში მოხვედრილ ავსტრალიელ ალექსეი პოპორინთან 2:6, 3:6 წააგო.

როგორც ნამატჩევს ქართველმა ჩოგბურთელმა თქვა, თავს შეუძლოდ გრძნობდა და ასეთი სუსტი თამაშიც ამის ბრალია.

„დღეს 100%-ით მზად არ ვიყავი. წელს უკვე მეხუთე შემთხვევაა, როდესაც ჩვეულად ვითამაშე, მაგრამ ყველაფერი ვცადე. იმედია, მალე გამოვჯანმრთელდები და ინდიან უელსის მასტერსისთვის მზად ვიქნები“, – თქვა ნამატჩევს ბასილაშვილმა.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.