რაფა 21 – სარბიელი

Rafa Nadal will play a superb and unprecedented Acapulco Open - Kiratas რაფაელ ნადალმა ისარგებლა ავსტრალიაში უშუალო კონკურენტების არყოფნით და მსოფლიოს აბსოლუტური რეკორდსმენი გახდა.

ესპანელმა ჩოგბურთელმა Australian Open-ის ფინალში რუსი დანილ მედვედევი 2:6; 6:7; 6:4; 6:4; 7:5 დაამარცხა და კარიერაში „დიდი მუზარადის“ 21-ტურნირი მოიგო.

ნადალს ავსტრალიაში როჯერ ფედერერი რომ ვერ შეეცილებოდა, მანამდეც ცნობილი იყო, ხოლო არავაქცინირებული ნოვაკ ჯოკოვიჩი ავსტრალიაში არ შეუშვეს.

აქამდე, სამივეს, „გრანდ სლემის“ 20-20 ტიტული ჰქონდა მოპოვებული. დღეს კი ესპანელმა შანსი ხელიდან არ გაუშვა. არადა, საწყისი ორი სეტი წააგო. თანაც, პირველი პირწმინდად. თუმცა, ასეთ დროს ნადალი არ ტყდება. ესპანელმა ჩოგბურთელმა მესამე სეტიდან შეცდომებს უკლო, გაცილებით აგრესიულადაც ათამაშდა და ზედიზედ სამი სეტი მოიგო.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...