ბასილაშვილი ნახევარფინალში მონფილსმა არ გაუშვა

მეცის საჩოგბურთო ტურნირის მეოთხედფინალში ნიკოლოზ ბასილაშვილმა ფრანგ გაელ მონფილსთან 3:6; 3:6 წააგო.

მატჩი საათზე ოდნავ მეტ ხანს გაგრძელდა და ფრანგის დამაჯერებელი თამაშით მიმდინარეობდა. მეტნაკლებად თანაბარი პირველი სეტი იყო. გარკვეული პერიოდი თამაში ქულა-ქულაში მიდიოდა. მერვე გეიმში ბასილაშვილმა საკუთარი ჩაწოდება წააგო და მომდევნო გეიმში მონფილსმა უკვე სეტი წაიღო.

მეორე სეტმა მთლიანად ფრანგის დომინირებით ჩაიარა. მონფილსმა დასაწყისში ორი ჩაწოდება აართვა ბასილაშვილს და 5:1 დაწინაურდა. ბასილაშვილმა თითქოს გაიბრძოლა და ერთი ბრეიკი დაიბრუნა, მაგრამ იქვე მოეშვა და მატჩი დათმო.