ტოკიოს ოლიმპიური თამაშებზე მოკრივე ესკერხან მადიევი მეოთხედფინალში გავიდა და მინიმუმ ბრინჯაოს მედლამდე ერთი ნაბიჯი აშორებს.
69 კილოგრამამდე წონით კატეგორიაში მადიევი რინგზე უგანდელ შადირ ბვოგს შეხვდა. მსაჯების გადაწყვეტილებით ბრძოლა მადიევის სასარგებლოდ დასრულდა – 3:1. ერთმა მსაჯმა ორივე მოკრივეს თანაბარი ქულები მიანიჭა.
მეოთხედფინალში მადიევი მსოფლიო ჩემპიონს, რუსეთის ოლიმპიური კომიტეტის ნაკრების წევრ ალექსანდრ ზამკავოის 30 ივლისს შეხვდება.
მედლის მოპოვების შანსი ჰქონდა 81 კილოგრამამდე წონით კატეგორიაში მოჭიდავე ტატო გრიგალაშვილი, მაგრამ ქართველი ძიუდოისტი შინ ხელცარიელი დაბრუნდება.
ბრინჯაოს მედლისთვის ბრძოლაში მისი მეტოქე ბელგიელი მატიას კასე იყო, რომელმაც ძალიან მალე იპონზე დააგდო ჩვენებური.
მანამდე გრიგალაშვილმა ტაჯიკი ახმად მუროდოვი დამარცხა, შემდეგ კი, სუნგჰო ლიი დასცა იპონზე, მაგრამ მეოთხედფინალში მონღოლ საიდ მოლაესთან წააგო და რეპეშაჟში გადაერთო, სადაც უზბეკ შაფოროდინ ბოლბოტაევს მოუგო, მაგრამ ეს საკმარისი არ აღმოჩნდა.
აღსანიშნავია, რომ ამავე წონაში ბრინჯაოს მედალი ავსტრიის სახელით შამილ ბორჩაშვილმა მოიპოვა.
ავტორის პროფილი
- გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.
უახლესი პოსტები
კატეგორიის გარეშე28/10/2025 | 12:33თბილისის აკადემია ჩემპიონია
კატეგორიის გარეშე23/09/2025 | 00:56… ის არის დემბელე!
კატეგორიის გარეშე01/09/2025 | 22:46კიდევ ერთი ქართველი უოტფორდში
კატეგორიის გარეშე16/08/2025 | 22:05კიტეიშვილის დუბლი შესვენებამდე