დინამომ ლიგა წყალს გაატანა

თბილისის „დინამოს“ წყალბურთელთა გუნდმა წყალში ჩაყარა შრომა და ჩემპიონთა ლიგის რვა საუკეთესო გუნდში ვერ მოხვდა. არადა, ძალიან ახლოს იყო.

„ვასპო ჰანოვერთან“ შეხვედრაში, თანაბარი პირველი ტაიმის შემდეგ (3:3), მესამე მეოთხედში თბილისის გუნდმა კარგად ითამაშა და ბოლო პერიოდს ორბურთიანი ჰანდიკაპით შეხვდა – 6:4.

ეს ანგარიში დამშვიდების საშუალებას არ იძლეოდა, რადგან ფრე მეტოქეს ჰყოფნიდა, მაგრამ არც ისეთი ანგარიში იყო, გუნდი რომ ვერ შეინარჩუნებდა. სამწუხაროდ, ბოლო მეოთხედში ქართულმა კლუბმა გოლის გატანა ვერ მოახერხა, მეტოქემ კი, ეს სამჯერ გააკეთა და 7:6 მოიგო.