Month: April 2021

საინტერესო ფაქტი დააფიქსირა „რომას“ თავდამსხმელმა ედინ ჯეკომ. ბოსნიელმა ფეხბურთელმა „მანჩესტერს“ „ოლდ ტრაფორდზე“ სამ ათწლეულში, სამ სხვადასხვა ტურნირზე, სამი სხვადასხვა ქვეყნის, სამი გუნდის მაისურით გაუტანა გოლი. ჯეკომ 2006 წელს „ვოლფსბურგში“ თამაშისას მანჩესტერელებს ჩემპიონთა ლიგის მატჩისას გაუტანა, შემდეგ უკვე „მანჩესტერ სიტიში“ ბურთაობისას 2011 წელს მოახერხა იგივე და აგერ, ახლა ევროპის ლიგის მატჩისას „რომას“ მაისურით. აღსანიშნავია, რომ „ვოლფსბურგის“…

დიდი ამბავი იყო ხუთშაბათს ზესტაფონის „დავით აბაშიძეზე“: ბათუმის „დინამომ“ მეზობელ „შუქურას“ 8:1 მოუგო… ვერ ვიტყვით, რომ ამ გუნდებს შორის რეალურად ასეთი სხვაობაა. აქ უფრო ის მოდელი ამუშავდა, როცა ერთს ყველაფერი გამოსდის, მეორეს – არაფერი. ხდება ხოლმე. თუმცა, ამით სულაც არ ვაკნინებთ ბათუმელთა წარმატებას. კიდევ ერთხელ დაამტკიცეს, რომ ჩემპიონობის რეალური კანდიდატები არიან და ამას თამაშის ხარისხიდან…

საქართველო 2022 წლის ევრობასკეტის ჯგუფურ ეტაპს უმასპინძლებს და თბილისს ესპანეთი, რუსეთი, თურქეთი, ბელგია და ბულგარეთი ესტუმრებიან. წილისწყრა რუსეთის ნაკრების მთავარი მწვრთნელი სერგეი ბაზარევიჩმა შეაფასა და ჯგუფში ესპანეთი, საქართველო და თურქეთი გამოყო. „ტურნირის დაწყებამდე დიდი დროა, ამიტომ კონკრეტული საუბარი ნაადრევია. თუმცა, იმის თქმა შემიძლია, რომ ევროპულ კალათბურთში სუსტი ნაკრებები აღარ არსებობენ. ბევრი რამ იმაზე იქნება დამოკიდებული,…

„ლივერპულის”, „რეალისა” და „ბაიერნის” ყოფილმა ვარსკვლავმა ჩაბი ალონსომ თავისი ხუთი რჩეული ფეხბურთელი დაასახელა. ალონსომ ხანგრძლივი კარიერის მანძილზე ბევრი დიდი ვარსკვლავის მხარდამხარ თუ წინააღმდეგ ითამაშა, ხოლო მისმა ძველმა თანაგუნდელმა ჯეიმი კარაგერმა თავის პოდკასტში The Greatest Game მათგან რამდენიმეს გამოყოფა სთხოვა. კარაგერმა ბასკს ხუთკაცა ფეხბურთის „დრიმ თიმი” შეადგენინა. ალონსომ, რომელიც დღეს „რეალ სოსიედადის” B გუნდს წვრთნის, თავისი…

„ბარსელონას” შეეძლო ლა ლიგის ლიდერი გამხდარიყო, მაგრამ შინ „გრანადასთან” დამარცხდა (1:2) და ახლა „რეალის” მსგავსად „ატლეტიკოს” ორი ქულით ჩამორჩება. ჩატარებული თამაშების რაოდენობა უკვე სამივე გუნდს თანაბარი აქვს. 8 მაისს „ბარსა” და „ატლეტიკო” „კამპ ნოუზე” ხვდებიან ერთმანეთს. აქამდე ჩემპიონობის ბედი „ბლაუგრანას” ხელში იყო, ახლა კი ვითარება შეიცვალა: კატალონიის დედაქალაქის გუნდმა „ატლეტიკო” რომც დაამარცხოს, თუკი „რეალი” თავის…

სწორედ ასე დაახასიათა საკუთარი ფსიქოლოგიური მდგომარეობა „მანჩესტერ იუნაიტედის“ ლეგენდა რაიან გიგზმა, როცა შეიტყო, რომ პრემიერლიგის დიდების დარბაზის წევრობის კანდიდატადაც არ მოიაზრება. არადა, წინასწარი ინფორმაციით, დარბაზის პირველი ორი წევრი ალან შირერი და რაიან გიგზი უნდა ყოფილიყვნენ. მერე გიგზი ტიერი ანრით ჩაანაცვლეს, რისი მიზეზიც საკმაოდ არასასიამოვნო ისტორია გახდა. წინა კვირაში გიგზს წარუდგინეს ბრალდება 2020 წლის ნოემბერში ორ…

საქართველოს პირველმა ჩოგანმა, ნიკოლოზ ბასილაშვილმა მიუნხენში მიმდინარე BMW OPEN-ის (საპრიზო ფონდი 481.270 ევრო) მეორე წრეში კოლუმბიელი დანიელ რივეროსი 6:4, 6:2 დაამარცხა და სვას აგრძელებს. ბასილაშვილმა ისე მოიგო, რომ მეტოქისთვის ბრეიკი არ მიუცია. რაც ბოლო პერიოდში იშვიათია. ჩვენებურმა ილად სძლია მეტოქეს. პირველ სეტში ბასილაშვილმა რივეროსს მეხუთე მოწოდება აართვა და შემდეგ ბოლომდე მშვიდად მივიდა. მეორე სეტი თავიდან…

გერმანიის დედაქალაქ ბერლინში ევრობასკეტ 2022-ის წილისყრა გაიმართება და საქართველოს ნაკრების მეტოქეებიც გაირკვა. მომავალი ევროპის ჩემპიონატის ჯგუფები ოთხ ქალაქშია გადანაწილებული, რომელთაგან ერთერთს თბილისი უმასპინძლებს. საქართველოს დედაქალაქს რუსეთი და თურქეთი რომ ესტუმრებოდნენ, თავიდანვე ცნობილი იყო. თურქეთი, საქართველომ პარტნიორ ქვეყანად აირჩია, რომლის უფლებაც ყველა მასპინძელ ქალაქს ენიჭება. იმავე უფლების გამოყენების შემდეგ და კალათების გადანაწილებით, მეორე კალათიდან რუსეთი გვერგო….

დავით ნინიაშვილი ბექა საღინაძის კვალს გაჰყვა და კარიერას ისიც ტოპ-14-ის  „ლიონში“ გააგრძელებს! 18 წლის ბორჯღალოსანმა ფულბექმა ლიონური კლუბის დამრიგებლის პიერ მინიონის ყურადღების ცენტრში თავისი სანაკრებო დებიუტისთანავე აღმოჩნდა. მაშინ ჯერ კიდევ 17 წლისა, „შემოდგომის ერთა თასზე“ ირლანდიასთან შეხვედრაში შეცვლაზე შევიდა და მას მერე ლიონელები ყურადღებით აკვირდებოდნენ. დავითმა საფრანგეთის მთავარი ლიგის ერთ-ერთ გამორჩეულ კლუბთან 3-წლიანი კონტრაქტი გააფორმა…

„მარკა” წერს, რომ ლეო მესის მომავალი მკაფიო კონტურებს იძენს — არგენტინელი, სავარაუდოდ, „ბარსელონაში” დარჩება. მის წარმომადგენლებსა და კლუბს შორის მოლაპარაკებები დაიწყო. მართალია, ისინი ჯერ არაფორმალურია, მაგრამ საქმე ნულიდან აშკარად დაიძრა. TV3-ის ინფორმაციით, 32 წლის ვარსკვლავის მამა და აგენტი ხორხე მესი კვლავ შეხვდა „ბარსას” პრეზიდენტ ჟოან ლაპორტას. ტელეკომპანია ამბობს, რომ ორივე მხარე დაინტერესებულია გამონახოს საერთო ენა…

„მანჩესტერ სიტი” ცალი ფეხით ფინალშია, თუმცა, როგორც ასეთ დროს ამბობენ, ჯობს ჯერ დავიცადოთ. ყველაფერი საპასუხო შეხვედრაში გადაწყდება. პარიზში „სიტიმ” პსჟ-ს 2:1 მოუგო. პირველ ტაიმში სტუმრებს მასპინძლები ჯობდნენ, მეორეში კი სტუმრებმა მასპინძლები მოედნიდან გააქრეს, ოღონდ ამაში თავად პარიზელებიც წაეშველნენ. მანჩესტერელები 0:1-ს აგებდნენ, შესვენების შემდეგ კი შვიდწუთიან მონაკვეთში ორი გოლი გაიტანეს. ეს გახლდათ ქალაქელების ზედიზედ მე-18 გამარჯვება…

ბრაზილიის შტატ პიაუზის ჩემპიონატში „რივერისა“ და „ფლამენგოს“ (2:3) მატჩის შემდეგ უჩვეულო ამბავი მოხდა. „რივერის“ ფანების ერთმა ჯგუფმა გუნდს „კლასიკოში“ მარცხი არ აპატია, ავტობუსს ალყა შემოარტყა და ფეხბურთელებს სტადიონის დატოვების საშუალებას არ აძლევდა. პროტესტანტების დასაშლელად პოლიცია მივიდა, რომლებმაც ხელკეტებით რომ ვერაფერი გაახერხეს, ხალხს რეზინის ტყვიები დაუშინეს. რის შემდეგ ავტობუსმა თავისუფლად დატოვა სტადიონის ტერიტორია. თუმცა, რამდენიმე გულშემატკივარი…

პირველი წრე ეროვნულ ლიგა 2-შიც დასრულდა. თუმცა, შესვენება ხანგრძლივი არ იქნება. უკვე 28-29 აპრილს მე-10 ტურის მატჩები გაიმართება. ლიდერი ბოლნისის „სიონია.“ ქვემოქართლელებმა შესანიშნავი გაზაფხული ჩაატარეს. პირველი შვიდი მატჩიდან შვიდივე მოიგეს და მხოლოდ მე-8 ტურში დამარცხდნენ უშუალო მდევარ „გაგრასთან.“ ჯამში მათ 9-დან 8 შეხვედრაში გაიმარჯვეს და ლიგის რეკორდიც დაამყარეს. არც არის გასაკვირი, ვარლამ კილასონიას, რომელიც პირველი…

მართალია, ამ სეზონში ტრავმებმა გატანჯა და მოედანზე იშვიათად გადიოდა, მაგრამ 32 წლის სერხიო აგუეროს ჩამოწერა მაინც ძალიან ადრეა. როგორც კი „სიტიმ“ გამოაცხადა, რომ მასთან კონტრაქტის გაგრძელებას აღარ აპირებს, ევროპის რამდენიმე ბობოლა კლუბი დაფაცურდა: „ინტერი“, „იუვენტუსი“ და „ბარსელონა“. შეგახსენებთ, სერხიო რა კაცია. სერხიო ის კაცია, გოლებს რომ თლის და გუნდი ჩემპიონობამდე მიჰყავს. კლუბის ისტორიაში საუკეთესო ბომბარდირს…

საქართველოს ნაკრების მესამეხაზელი ბექა გორგაძე საფრანგეთის ტოპ-14-ის ერთი კლუბიდან მეორეში გადაბარგებას უახლოვდება. ფრანგულ პრესაში გამოქვეყნდა ბორჯღალოსანთა ერთ-ერთი ლიდერის კომენტარი სავარაუდო ტრანსფერის შესახებ. ბექას თქმით, „ბორდოსთან“ სამწლიანი თანამშრომლობა ზაფხულში თავდება და ის კარიერას დიდი ალბათობით „პოში“ გააგრძელებს. „ეს კლუბი ჩემი ტრავმის გამო ძალიან ფრთხილობდა, მაგრამ სამედიცინო შემოწმება გავიარე და ყველაფერი რიგზეა. ნოემბერში, ირლანდიასთან მატჩში გაწყვეტილი ჯვარედინი…

ჩემპიონთა ლიგის პირველ ნახევარფინალურ შეხვედრაში „რეალის” მთავარი გმირი ქარიმ ბენზემა გახლდათ — მან დიდოსტატურად გაათანაბრა ანგარიში. მადრიდელებმა „ჩელსის” წინააღმდეგ, შინ 1:1 ითამაშეს. დასაწყისში ინიციატივა სტუმრებს ჰქონდათ. მათი თამაში უფრო მაღალი ინტენსიობით გამოირჩეოდა, ისინი სახიფათოდ მიიწევდნენ მასპინძელთა კარისკენ. „რეალს” კრისტიან პულიშიჩსა და ტიმო ვერნერთან გამკლავება უჭირდა. ერთ ეპიზოდში ვერნერს ახლოდან გოლის გატანაც შეეძლო, მაგრამ მადრიდელთა მეკარემ…

მიუნხენში დაიწყო საჩოგბურთო ტურნირზე, რომლის საპრიზო ფონდი 481.270 ევროა. პირველივე წრეში საქართველოს პირველმა ჩოგანმა, ნიკოლოზ ბასილაშვილმა ბრაზილიელი ტიაგო მონტეირო იოლად  – 6:2, 6:3 დაამარცხა. ბასილაშვილმა ცუდად დაიწყო, მეოტქეს პირველივე მოწოდება დაუთმო. თუმცა, ამის მერე სანერვიულოდ საქმე აღარ მოუცია. მთელი მატჩის განმავლობაში აკონტროლებდა თამაშს, რაც ანგარიშიდანაც კარგად ჩანს. მომდევნო წრეში ბასილაშვილი კოლუმბიელ დანიელ რივეროს შეხვდება, რომელმაც…

საქართველოს ნაკრების კალათბურთელი გიორგი შერმადინი ესპანეთის პროფესიულ საკალათბურთო ლიგის საუკეთესო მოთამაშისა და სიმბოლური ხუთეულების ნომინაციებშია წარდგენილი და ერთერთ ფავორიტადაც ითვლება. ამ ნომინაციებში საუკეთესოების გამოვლენა უკვე დაიწყო. გამოკითხვაში ლიგა ენდესას მოთამაშეები, მწვრთნელები, ფანები და ჟურნალისტები მონაწილეობენ. ლიგის ხელმძღვანელობამ საუკეთესოები სამ პოზიციაზე გაანაწილა – უკანახაზელები (20 მოთამაშე), შუახაზელები (25) და შემტევები (25). შერმადინი მიმდინარე სეზონში 13-ჯერ გახდა…

ერლინგ ჰოლანდი კვლავაც რჩება ევროპული ფეხბურთის ერთერთ მთავარ ნიუსმეიკერად. 20 წლის ნორვეგიელი გოლეადორი მზად არის ამ ზაფხულსვე დატოვოს „დორტმუნდი“ , თუ გუნდი ვერ მოიპოვებს ჩემპიონთა ლიგის საგზურს. ჯერჯერობით კი დორტმუნდელები 31 ტურის შემდეგ მოპოვებული 55 ქულით მეხუთე ადგილზე არიან. რაც შეეხება ჰოლანდის პირად მონაგარს, მიმდინარე სეზონში ყველა ტურნირის ჯამში გამართულ 38 შეხვედრაში 37 გოლი გაიტანა…

„იულიან ნაგელსმანი ახალი თაობის მწვრთნელია. ის სულ 33 წლისაა, თუმც უკვე შთამბეჭდავი კარიერა აქვს. დარწმუნებული ვართ, იულიანთან ერთად „ბაიერნი“ ისევე წარმატებული იქნება, როგორც ეს ბოლო დროს იყო“ – თქვა მიუნხენის „ბაიერნის“ პრეზიდენტმა ჰერბერტ ჰეინერმა მას შემდეგ, რაც მან და ნაგელსმანმა თანამშრომლობა ოფიციალურად გააფორმეს. ახლა, მოკლედ და კონკრეტულად: 1 ივლისიდან მიუნხენის „ბაიერნის“ მათავარი მწვრთნელი იულიან ნაგელსმანი…

დიდი ხანია, რაც გერმანიის საფეხბურთო კავშირში კრიზისია. უმაღლესი დონის ხელმძღვანელები ერთმანეთს ვერ ეგუებიან და ქიშპობენ. ამის ნათელი მაგალითია ის, რაც გასულ პარასკევს, პრეზიდიუმის სხდომაზე მოხდა, როდესაც პრეზიდენტმა ფრიც კელერმა ვიცე-პრეზიდენტი რაინერ კოხი ნაცისტ მოსამართლეს როლანდ ფრაისლერს შეადარა. საერთო, კოხსა და ფრაისლერს ის აქვთ, რომ კოხი მიუნხენის უმაღლეს რეგიონულ სასამართლოში კრიმინალურ საქმეთა მოსამართლეა და ფრაისლერიც თავის…

დღეს, 30 წლის ედენ აზარისთვის ემოციური დღეა — „რეალის” შემტევი ნახევარმცველი თავის ყოფილ გუნდს, „ჩელსის” ხვდება. ეს გახლავთ ჩემპიონთა ლიგის ნახევარფინალის პირველი მატჩი. ბელგიელმა დასავლეთლონდონელთა კლუბში 7 წელიწადი ითამაშა, 2019 წლის ივნისში კი ის „რეალში” გადავიდა. მადრიდელებმა აზარში 100 მილიონი ევრო გადაიხადეს, ოღონდ ხელშეკრულებაში იყო პუნქტი, რომ ეს თანხა, გარკვეული წარმატებების შემთხვევაში, შეიძლებოდა 146,1 მილიონამდე…

დანიელ ეკი ინტერნეტ-სერვის Spotify-ს დამფუძნებელია. შვედი ბიზნესმენი, რომლის ქონებასაც „ფორბსი“ 5 მილიარდ ევროდ აფასებს, ლონდონის „არსენალის“ ყიდვას გეგმავს. მის ბანაკში უკვე მოიაზრებიან დენის ბერგკამპი, ტიერი ანრი და პატრიკ ვიეირა. თუ შვედი საწადელს მიაღწევს, ეს სამეული კლუბის ხელმძღვანელობაში დაიკავებს ადგილებს. ცოტა ხნის წინ ანრიმ საყვედურით თქვა, ახლანდელი მფლობელი სტენ კრონკე კლუბს საფეხბურთო ერთეულად კი არა, ჩვეულებრივ…

მეორე წრის პირველი ტურის ყველაზე საინტერესო ამბავი წყალტუბოში გამართული ბურთაობა გამოდგა. „სამგურალმა“ ლიდერ „დინამოს“ 2:0 მოუგო, თან მართლა მოუგო, დამაჯერებლად. გახსოვთ ალბათ, წლევანდელი სეზონიც ამ გუნდების შეხვედრით გაიხსნა. დებიუტანტმა წყალტუბოელებმა მაშინაც კარგი შთაბეჭდილება დატოვეს და მართალია ის მატჩი 1:1 დამთავრდა, მაგრამ მეტად იღბლიანები რომ ყოფილიყვნენ, იმერლები იმ თამაშსაც მოიგებდნენ. ამჯერადაც გამოიჩინა თავი სერგო კუხიანიძემ, რომელიც…

ინგლისური პრემიერლიგის ხელმძღვანელობამ დიდების დარბაზის დაარსება დააანონსა. მისი პირველი წევრები კი ალან შირერი და ტიერი ანრი გახდებიან. წლის ბოლომდე დიდების დარბაზის წევრი კიდევ 6 ფეხბურთელი იქნება და მათ შერჩევაში ქომაგები მიიღებენ მონაწილეობას. ალან შირერს „საუთჰენპტონში“, „ბლექბერნსა“ და „ნიუკასლში“ 14 წელიწადში გამართულ 441 შეხვედრაში 260 გოლი აქვს გატანილი და ამ მაჩვენებლით ლიგის ისტორიაში საუკეთესოა. 1994-1995 წლების…

„გოლდენ სტეიტის“ გამთამაშებელი სტეფ კარი არანორმალურ ფორმაშია. „მეომრებმა“ ბოლო მატჩში „საკრამენტო კინგზი“ 117:113 დაამარცხეს და ამაში კარის დიდი დამსახურებაა. მან გუნდს 37 ქულა მოუტანა. აღსანიშნავია, რომ სტეფმა 50%- იანი სიზუსტით ისროლა სამქულიანები და 14 მცდელობიდან შვიდი ჩააგდო. აპრილის თვეში კი, ჯამში 85 სამიანი გამოუვიდა, რაც ლიგის ყველა დროის რეკორდია. ამასთან, აპრილის ბოლომდე კიდევ არის თამაშები……

მიუნხენის „ბაიერნი“ მოლაპარეკებას აწარმოებს „ლაიფციგთან“ გუნდის მთავარი მწვრთნელის, იულიან ნაგელსმანის დათმობის თაობაზე. „ლაიფციგი“ მზად არის, გაწყვიტოს კონტრაქტი 35 წლის სპეციალისტთან, თუმცა კომპენსაციის სახით 30 მილიონ ევროს ითხოვს. მანამდე ეს თანხა 15-20 მილიონის ფარგლებში მერყეობდა. რაც ჰასან სალიჰამიჯიჩთან ომობანათი დაღლილმა ჰანსი ფლიკმა „ბაიერნის“ დატოვება და გერმანიის ნაკრებში გადაბარგება გადაწყვიტა, „რეკორდმაისტერი“ ცაიტნოტში აღმოჩნდა. სწორედ ამით ისარგებლა „ლაიფციგმა“…

როგორც კი ინგლისში დადგა დღე, როდესაც ჩვეულებრივი ცხოვრების მაგვარი ქცევა შესაძლებელი გახდა, ტრიბუნიდან დინ მარტინის სიმღერა გაისმა… თუმცა, ამ შემთხვევაში უმჯობესი იქნება თუ ვიტყვით, რომ აჟღერდა „მანჩესტერ სიტის” ჰიმნი „ლურჯი მთვარე”. „უემბლიზე” „სიტის” 2 ათასი ფანი შეუშვეს. მათი ხმა პეპ გვარდიოლასა და მის ბიჭებს ათეულობით ათასის გუგუნად ესმოდათ. სულ სტადიონის კარი 8 ათას გულშემატკივარს გაუღეს…

ახლა კი უკვე ვეღარავინ იტყვის, ვინ გახდება ლა ლიგის ჩემპიონი. გუშინ „ბარსელონამ” სტუმრად მოუგო „ვილიარეალს” 2:1, ხოლო ლიდერმა „ატლეტიკომ” ბილბაოში ასეთივე ანგარიშით წააგო. გამოდის, რომ „ატლეტიკოს” 33 თამაშიდან 73 ქულა აქვს, „რეალს” იმდენივე თამაშიდან – 71, ხოლო „ბარსას” ქულები „რეალის” ტოლად აქვს, თამაშების რაოდენობა კი ერთით ნაკლები. შეგახსენებთ, რომ „ბარსელონა” და „ატლეტიკო” 8 მაისს ერთმანეთს…

საქართველოს დელეგაციისთვის ვარშავაში ოქროსფრად გამოიდარა. ბერძნულ-რომაული სტილით 72 კილოგრამამდე წონით კატეგორიაში მოჭიდავე შამგი ბოლქვაძემ ფინალში სომეხი მალხაზ ამოიანი 4:1 დაამარცხა და ევროპის ჩემპიონი გახდა. 82 კილოგრამამდე წონით კატეგორიაში მოჭიდავე აივენჰო რიკაძემ კი, მესამე ადგილისთვის სომეხი კარაპეტ ჩალიანი 3:2 დაამარცხა და ბრინჯაოს მედალოსანი გახდა. პოლონეთის დედაქალაქში ბერძნულ-რომაული სტილით მოჭიდავეთა შორის საქართველოს დელეგაციამ სულ ოთხი მედალი მოიპოვა….

უეფას პრეზიდენტი ალექსანდერ ჩეფერინი ევროპის სუპერლიგის შემქნელებს არაფერს აპატიებს. ეს მისი ყოველი გამოსვლისას იგრძნობა. თუმცა, ევროპული ფეხბურთის მმართველი ორგანოს შეფს, ბუნტისთავებისადმი ერთნაირი სიბრაზე არ აქვს და ერთი დუჟინი ამბოხებულები სამ ჯგუფად ჰყავს დაყოფილი. „ყველამ უნდა იწვნიოს შედეგი საკუთარ თავზე. ვერ ვიტყვით, რომ არაფერი მომხდარა. თუმცა, ინგლისურ 6 კლუბსა და სხვებს შორის, ჩემთვი დიდი განსხვავებაა. ბრიტანელებმა…

„ლივერპულის” გერმანელი მწვრთნელი, 53 წლის იურგენ კლოპი კმაყოფილია, რომ სუპერლიგის პროექტი ჩაიშალა, მაგრამ ის არც უეფას ჩემპიონთა ლიგის რეფორმას გაუხარებია. „როგორც სუპერლიგის შემქმნელებმა არ გვკითხეს არაფერი, ისევე არ გვკითხა უეფამაც. ჩვენ, უშუალო მონაწილეებს, არავინ არაფერს გვეკითხება, არადა როგორც ერთი, ასევე მეორე გეგმა მხოლოდ ერთს ნიშნავს — მეტ მატჩებს. ჩვენ მათი სურვილები უნდა შევასრულოთ. და მიზეზი…

„რეალს” დაღლილობა ეტყობოდა. ზინედინ ზიდანის უილაჯო გუნდმა „ბეტისთან” 0:0 ითამაშა და ჩემპიონობისთვის ბრძოლაში მნიშვნელოვანი ორი ქულა დაკარგა. მისი კონკურენტები, „ატლეტიკო” და „ბარსელონა” დღეს ხვდებიან „ბილბაოსა” და „ვილიარეალს”. ორივე სტუმრად თამაშობს. აქვე დავძინოთ, რომ 8 მაისს, „ატლეტიკო” „ბარსელონას” სტუმრობს. ამწუთას, „რეალი” მეორეზეა, „ატლეტიკოზე” ორი ქულით ნაკლები და ერთი თამაშით მეტი აქვს. ის სამი ქულით უსწრებს მესამე…

პოლონეთში მიმდინარე ბერძნულ-რომაულ სტილით მოჭიდავეთა ევროპის ჩემპიონატი  ქართულმა დელეგაციამ ვერცხლისა და ბრინჯაოს მედლებით დაიწყო. 130 კილოგრამამდე წონით კატეგორიაში იაკონ ქაჯაია ფინალში 8-გზის ევროპის ჩემპიონ თურქ რიზა კაიას დაეჭიდა და ვერას გახდა – 1:3. მანამდე ქაჯაიამ ჩეხ შტეფან დავიდს 9:0 მოუგო, შემდეგ რუსეთის სახელით მოჭიდავე ზურაბ გედახაურს 3:1 სძლია, ხოლო ნახევარფინალში ლიეტუველ რომას ფრიდრიკასთან ისევ 9:0…

საფრანგეთის პრო დ2-ის რეგულარული ჩემპიონატის 28-ე ტურში თორნიკე ჯალაღონიამ „ორიაკთან“ საშინაო შეხვედრის მიმდინარეობაში გარდატეხა შეიტანა და საბოლოოდ მისმა „ბიარიცმა“ 28:26 იმარჯვა, რამაც ბასკურ კლუბს პლეი-ოფის პირველ წრეში მასპინძლის სტატუსი გაუნაღდა. მატჩში ერთბაშად შვიდმა (!) ქართველმა მიიღო მონაწილეობა. მასპინძელთაგან ჯალაღონია და ლუკა აზარიაშვილი სასტარტო შემადგენლობაში იყვნენ, ხოლო უშანგი ჭეიშვილი თამაშში მეორე ტაიმში ჩაერთო. ორიაკელთა სასტარტოშიც ორი…

ახალშექმნილი და უკვე მარტივ მამრავლებად დაშლილი სუპერლიგიდან გასვლის შესახებ პირველმა ლონდონურმა „ჩელსიმ“ განაცხადა. გერმანული „ზიუდოიჩე ცაიტუნგის“ ინფორმაციით, რომან აბრამოვიჩს მოსკოვიდან დაურეკეს და აუხსნეს, რომ სუპერლიგის შექმნა კრემლის ინტერესებში არ შედის, რადგან ჩემპიონთა ლიგა კნინდება, მისი ერთ-ერთი უმსხვილესი სპონსორი „გაზპრომი“ გახლავთ. ამავე კონცერნს ეკუთვნის პეტერბურგის „ზენიტი“ რომელსაც სუპერლიგაში არავინ მიიწვევდა, ჩემპიონთა ლიგაში თამაშით კი თავის ჭიას…

აშშ-ის 45-ე პრეზიდენტმა დონალდ ტრამპმა მკაცრად გააკრიტიკა ლებრონ ჯეიმსი მის მიერ გაკეთებული განცხადებების გამო. საუბარია ოჰაიოს შტატის ქალაქ კოლუმბუსში მომხდარ ფაქტზე, რომელსაც ლებრონი სოციალური ქსელით გამოეხმაურა. კოლუმბუსში თეთრკანიანმა პოლიციელმა უნებლიე გასროლით (ელექტროშოკერი და პისტოლეტი აერია) 16 წლის აფროამერიკელი გოგონა მაკაი ბრაიანტი მოკლა. ლებრონ ჯეიმსმა საკუთარ გვერდზე პოლიციის ამ ოფიცრის ფოტო გამოაქვეყნა წარწერით: „შემდეგი შენ ხარ“!…

„შპორტ ბილდის” ინფორმაციით, თუკი „ბაიერნი” ზაფხულში მწვრთნელ ჰანსი ფლიკს გაუშვებს, ახალი თავკაცის დანიშვნა კარლ-ჰაინც რუმენიგეს დაევალება — კლუბში აღმასრულებელი შეფი რუმენიგეა. მაგრამ, არის მეორე საკითხიც: 65 წლის რუმენიგე „ბაიერნში” მხოლოდ 2021 წლის ბოლომდე რჩება, შემდეგ კი საქმეები 51 წლის ოლივერ კანმა უნდა გადაიბაროს. შესაბამისად, ვეტერანი ფორვარდი თავის ყველა ნაბიჯს ვეტერან მეკარესთან შეათანხმებს. საქმეები ხომ უნდა…

უეფას პრეზიდენტმა ალექსანდერ ჩერეფინმა თქვა, რომ თუ სუპერლიგის შექმნაზე ფიქრს არ შეეშვებიან, „რეალს” და „ბარსელონას” ჩემპიონთა ლიგიდან მოკვეთა ემუქრებათ. მოგეხსენებათ, ეს ორი ესპანური გიგანტი იმ თორმეტ ბობოლა კლუბს შორის იყო, რომელთაც მიმდინარე კვირის დასაწყისში ევროპის სუპერლიგა დააფუძნეს, მაგრამ შემდეგ რვამ უკან დაიხია და იდეის ერთგულად ოთხიღა დარჩა. სუპერლიგის პროექტს ყველაზე დიდი დარტყმა ექვსმა ინგლისურმა კლუბმა…

უეფას პრეზიდენტი ალექსანდერ ჩეფერინი და “იუვენტუსის” თავკაცი ანდრეა ანიელი ერთობლივ განცხადებას ამზადებდნენ, რომელშიც იტალიური კლუბი ჩემპიონთა ლიგის რეფორმას დაუჭერდა მხარს. განცხადება 19 აპრილს უნდა გაკეთებულიყო. ჩეფერინმა ანიელის განცხადების ტექსტი გადაუგზავნა, მაგრამ მან შესწორებების შესატანად დრო ითხოვა. ამის შემდეგ უეფას პრეზიდენტის რამდენიმე ზარს ანიელიმ არ უპასუხა. ჩეფერინი ანიელის ერთ-ერთი გოგონას ნათლიაა, მის მეუღლეს დაურეკა და სთხოვა,…

„ტოტენჰემს“ ჟოზე მოუნიოს წასვლის შემდეგ დროებითი მწვრთნელი ჰყავს და ახალ თავკაცს ეძებენ. „დეზებმა“ თვალი იურგენ კლინსმანს დაადგეს, რომელიც ლონდონურ კლუბში 1994-95 წლებში თამაშობდა. მომავალ სამსახურთან დაკავშირებით კლინსმანი კომენტარს აკეთებს: „ცხოვრებაში ყველაფერი ხდება. ვერასდროს ვიფიქრებდი, თუ გერმანიის ნაკრებს მსოფლიო ჩემპიონატზე გავწვრთნიდი. ასევე არასდროს მიფიქრია, რომ ამერიკის ნაკრებში ექვსი წელი ვიმუშავებდი, ანაც მიუნხენის „ბაიერნს“ ჩავუდგებოდი სათავეში. ასე…

ევროპის სუპერლიგაზე მთელს მსოფლიოში მსჯელობენ. ესპანურმა „მარკამ” ამ საკითხთან დაკავშირებით გამოკითხვა ჩაატარა და 800 000 გამოხმაურება მიიღო. ამბიციურ პროექტში ესპანეთიდან სამი კლუბი, „ბარსელონა”, „რეალი” და „ატლეტიკო” მონაწილეობდნენ, მაგრამ ექვსმა ინგლისურმა კლუბმა ყველაფერი ჩაშალა — ისინი ჯერ შევიდნენ სუპერლიგაში, შემდეგ კი საზოგადოების ზეწოლას ვერ გაუძლეს და გავიდნენ. ამ ეტაპზე, სუპერკლუბთა გაერთიანება 72 საათიანი გამოდგა. „მარკა” წერს,…

ევროპის სუპერლიგა ჩაიშალა, თუმცა ესპანეთის ორი გრანდი, „ბარსელონა” და „რეალი” მაინც მის წევრებად რჩებიან. ინგლისურ პრესაში კი, ბობოლათა ელიტური სამყაროს შექმნის მცდელობას „ბინძური თორმეტის გაქცევა” შეარქვეს და ხაზს უსვამენ, რომ „ბარსას” ახალარჩეული პრეზიდენტი ჟოან ლაპორტა „ხეტაფესთან” ლა ლიგის გუშინდელი თამაშის წინაც კი იმას ამბობდა, ასეთი შეჯიბრება აუცილებლობად უნდა შემოვიღოთო. „ამგვარი ლიგის შექმნა აუცილებელია. ჩვენ ეროვნული…

ახალი თაობის ერთ-ერთი ყველაზე გამორჩეული ქართველი მორაგბე იოანე იაშაღაშვილი მომავალ სეზონს „კარკასონში“ გაატარებს. 2019 წელს, 20-წლამდელთა მსოფლიო ჩემპიონატზე იომ ისე მაგრად ითამაშა, რომ ბობოლა ქვეყნების სარაგბო სპეციალისტებმა მას ერთხმად უწინასწარმეტყველეს დიდი მომავალი. იაშაღაშვილი ტურნირის სიმბოლურ ნაკრებშიც შეიყვანეს. ჩემპიონატის შემდეგ იო საფრანგეთის ტოპ-14-ის „ბაიონში“ ჩაირიცხა და პირველივე სეზონში გუნდის შემადგენლობაში 3 მატჩი ჩაატარა, თან სამივე –…

ვარშავაში დასრულებულ თავისუფალი სტილით მოჭიდავეთა ევროპის ჩემპიონატზე ქართულმა დელეგაციამ ჯამში ერთი ვერცხლისა და ოთხი ბრინჯაოს მედალი მოიპოვა. წუხელ 86 კილოგრამამდე წონითი კატეგორიის ფინალში სანდრო ამინაშვილი რუს არტურ ნაიფონოვს დაეჭიდა, მაგრამ ვერაფერი გააწყო და ვერცხლის მედალს დასჯერდა. მანამდე ამინაშვილს იტალიელი სიმონე იანატონი (11:0), პოლონელი სებასტიენ იეზერანსკის (5:1) და ბელარუსი ალი შაბანაუ (3:2) დაემარცხებინა. ბექა ლომთაძე (61კგ)…

„ბარსელონას” ვეტერანი მცველი ჟერარდ პიკე Movistar+ზე გადაცემა „უნივერსო ვალდანოს” ეწვია და ევროპულ ფეხბურთში ბოლოხანს დატრიალებულ ამბებზე ილაპარაკა. მოგეხსენებათ, რამდენიმე დღის წინ დიდი რიხით გამოცხადდა ევროპის სუპერლიგის შექმნის შესახებ, მაგრამ 48 საათში, გულშემატკივრებისა და მთავრობათა ზეწოლით, 12 დამფუძნებლიდან ათმა თავისივე დაარსებული სტრუქტურა დატოვა და გამოვიდა, რომ სუპერლიგაში მხოლოდ „ბარსელონა” და „რეალი” დარჩნენ. „ფეხბურთელის გადასახედიდან, ხანგრძლივ პერსპექტივაში…

ინგლისური ფეხბურთის „დიდი ექვსეული” ევროპის სუპერლიგას გამოეთიშა, მაგრამ მაინც რეფორმატორულ განწყობაზეა. ახლა მათ პრემიერლიგის გარდაქმნა უნდათ. ის, რაც დღეს გვაქვს, გაუმჯობესებას საჭიროებსო. იდეა ასეთია: გადაიბირონ „რეინჯერსი” და „სელტიკი”. ანუ, შეიქმნას ბრიტანული ლიგა, რომელშიც პრემიერლიგის კლუბებს ორი შოტლანდიური გიგანტი შეემატება. ეს წინადადება ევროპის სუპერლიგის იდეაზე რეალისტური ჩანს, რადგან ჯერ ერთი რეფორმა ერთი სახელმწიფოს, დიდი ბრიტანეთის ფარგლებში…

გერმანული ბუნდესლიგის 30-ე ტურის შეხვედრაში ბილიფელდის „არმინიამ” საკუთარ მოედანზე გელზენკირხენის „შალკეს“ უმასპინძლა და 1:0 დაამარცხა. შედეგად, დარჩენილი ტურების მიუხედავად, „შალკე“ მეორე ბუნდესლიგაში დაქვეითდა. კატასტროფულმა სეზონმა „შალკეს“ ქომაგების განრისხება გამოიწვია და მათ ფეხბურთელებზე ფიზიკურად გაიწიეს. სოციალურ ქსელებში გავრცელდა ვიდეო, როგორ შველიან გაქცევით თავს ფეხბურთელები.

თბილისის „დინამოს“ წყალბურთელთა გუნდმა წყალში ჩაყარა შრომა და ჩემპიონთა ლიგის რვა საუკეთესო გუნდში ვერ მოხვდა. არადა, ძალიან ახლოს იყო. „ვასპო ჰანოვერთან“ შეხვედრაში, თანაბარი პირველი ტაიმის შემდეგ (3:3), მესამე მეოთხედში თბილისის გუნდმა კარგად ითამაშა და ბოლო პერიოდს ორბურთიანი ჰანდიკაპით შეხვდა – 6:4. ეს ანგარიში დამშვიდების საშუალებას არ იძლეოდა, რადგან ფრე მეტოქეს ჰყოფნიდა, მაგრამ არც ისეთი ანგარიში…

დღეს დილით ნაციონალურ საკალათბურთო ასოციაციაში „საკრამენტო კინგსი“ შინ „მინესოტა ტიმბერვულვზს“ და 120:134 წააგო. სრული სიგიჟე იყო პირველ მეოთხედში, სადაც გუნდებმა 82 ქულა ჩააგდეს. საბოლოოდ მატჩში წაგებულმა „მეფეებმა“ 12-წუთიანი მონაკვეთი 43:39 მოიგეს. ეს არ არის რეკორდი საწყის მეოთხედში დაფიქსირებული ქულებით, უფრო მეტიც ჩაუგდიათ, მაგრამ ასეთი შედეგიანობა, ძალიან იშვიათი ფაქტია. მით უფრო, თუ დარჩენილ პერიოდებში ჩაგდებულ ქულებს…