გრიგალაშვილი მასტერსზე საუკეთესოა

ყატარში დამთავრებულ მასტერსზე ქართველმა ძიუდოისტმა ტატო გრიგალაშვილმა გაიბრწყინა. ეს უყურადღებოდ არ დარჩენია ძიუდოს საერთაშორისო ფედერაციას და მასტერსის საუკეთესო ვაჟ ძიუდოისტად სწორედ ჩვენებური დაასახელა.

თუმცა, ეს არ იყო სუბიექტური გადაწყვეტილება – ძიუდოს მამებმა იხელმძღვანელეს სპორტსმენთა მიერ დაფიქსირებული შედეგით, იპონების რაოდენობითა და ტატამზე გატარებული წუთებით.

გრიგალაშვილს კი, დოჰაში 4 იპონი მოუგროვდა, ტატამზე 16 წუთი და 33 წამი გაატარა, რაც ვერავინ გადაფარა.

ქალთა შორის კი საუკეთესოდ საფრანგეთის ნაკრების ძიუდოისტი რომეინ დიკო (4 იპონი, 9 წუთი და 3 წამი) დაასახელეს.

სურათი შეიძლება შეიცავდეს: 1 ადამიანი, ცეკვა, დაკავებულია სპორტით, დგომა, სტადიაზე და წვერი