ბასილაშვილმა მოგება გაიხსენა

World No.27 Nikoloz Basilashvili Facing Domestic Violence Charges - UBITENNIS როგორც იქნა ნიკოლოზ ბასილაშვილმა გამარჯვების გემო გაიხსენა. ბოლოს ჩვენებურმა 10 თვის წინ იმარჯვა დევისის თასზე, ხოლო ATP-ს ტურნირებზე 2020 წლის 25 თებერვლის მერე არ მოეგო. ზედიზედ 11 მარცხის შემდეგ კი, შობას, ანთალიაში იტალიელ ანდრეა არნებოლდს მოუგო – 4:6, 7:5, 6:1.

რეიტინგში 40-ე ჩოგანი ბასილაშვილი ტურნირზე მეექვსე ნომრად არის განთესილი და მეტოქესთან ფავორიტად მიიჩნეოდა, მაგრამ ძალიან გვანერვიულა და აპენინელს გამარჯვება ცხვირწინ ააცალა.

პირველ სეტში ჩოგბურთელებმა 6 გეიმი თანაბრად გაიარეს, მეშვიდეში ბასილაშვილმა საკუთარი მოწოდება წააგო, მართალია მერვეშივე დაიბრუნა, მაგრამ მეცხრეც მეტოქეს დაუთმო, რასაც საბოლოოდ იტალიელის გამარჯვება მოჰყვა – 6:4.

მეორე სეტშიც პირველი ბრეიკი აპენინელმა გაახერხა და 2:1 დაწინაურდა. ბასილაშვილმა უკუბრეიკი ამჯერადაც იქვე შეასრულა, მაგრამ მომდევნო მოწოდება ისევ დათმო. ნიკოლოზმა ბოლომდე იბრძოლა და როდესაც მეტოქე მატჩზე აწვდიდა, სწორედ მაშინ გაათანაბრა – 5:5.

შემდეგ ქულებს უკვე მხოლოდ ნიკოლოზი იხვეჭდა: ჯერ მეორე სეტი მიიყვანა გამარჯვებამდე – 7:5, ხოლო მესამე სეტში სულაც 5:0 დაწინაურდა, მერე კი მატჩის მოგება უკვე იოლი საქმე იყო.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...