გურულებს მეტოქეები შეუმცირეს

ხვალ ქალთა ჩემპიონთა ლიგის მეთექსმეტედფინალური ეტაპის წილისყრაა, რომელმაც „ლანჩხუთის“ მეტოქე უნდა გამოავლინოს. ჩვენი გუნდის სავარაუდო მეტოქეთა რიცხვი ოთხამდე შემცირდა – გერმანული „ვოლფსბურგი“, ყაზახური „კაზიგიურტი“, შვედური „როსენგარდი“ და ნორვეგიული „კვინერი“.

აქედან ყველაზე ტიტულოვანი „ვოლფსბურგია“ – ჩემპიონთა ლიგის ორგზის გამარვებული და შარშანდელი სეზონის ფინალისტი.

უეფამ კორონავირუსის პანდემიის გამო ფორმატი შეცვალა და ჯგუფური ეტაპის ნაცვლად ფლეი ოფები იქნება. მეთექსმეტედფინალური ეტაპი 2-მატჩიანია: პირველი შეხვედრები 5-6 დეკემბერს გაიმართება, ხოლო საპასუხო 15-16 დეკემბერს.

შეგახსენებთ, რომ „ლანჩხუთმა“ ევროპის ყველაზე პრესტიჟული საკლუბო ტურნირის ძირითად ეტაპზე გააღწია, რაც აქამდე საქართველოდან არც კაცთა და არც ქალთა გუნდებს არ გაუკეთებია.

პირველ საკვალიფიკაციო ეტაპზე „ლანჩხუთმა“ დამატებით დროში ყაზახური „ოკჟეტპესი“ 2:1 დაამარცხა, ხოლო ბოლო ეტაპზე რუმინულ „კლუჟს“ 1:0 მოუგო.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...