ზიდანი, კლოპი, გვარდიოლა

ფრანგული „ეკიპის“ ჟურნალისტების აზრით, სადღეისოდ მსოფლიოს საუკეთესო მწვრთნელი ზინედინ ზიდანია.
მადრიდის „რეალის“ თავკაცის შემდეგ სამეულში არიან „ლივერპულის“ მთავარი მწვრთნელი იურგენ კლოპი და „მანჩესტერ სიტის“ დამრიგებელი პეპ გვარდიოლა.
შეგვეძლო ეს ყველაფერი ფრანგული ნეპოტიზმისთვის მიგვეწერა, მაგრამ შედეგებსაც ვერ გავექცევით. ზიდანმა პრიმერა დივიზიონში „რეალი“ საჩემპიონო ტიტულამდე მიიყვანა. თავის მხრივ, იგივე მოახერხა ინგლისურ პრემიერლიგაში კლოპმა, მაგრამ ჩემპიონთა ლიგაში მერვედფინალი დათმო მადრიდის „ატლეტიკოსთან“. აი, გვარდიოლასა და ზიდანის დაპირისპირება კი გრძელდება – მათი გუნდები ერთმანეთს ევროპის ყველაზე პრესტიჟული ტურნირის მერვედფინალში ხვდებიან. მცირე უპირატესობა გვარდიოლას გუნდისკენაა – „სიტიმ“ პირველი მატჩი ფრედ (1:1) ითამაშა მადრიდში და ახლა „ეტიჰედზე“ დაუხვდება ესპანეთის ჩემპიონს.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...