სომხებმა ხახოლებს სამუდამო მიუსაჯეს

სომხურ ფეხბურთში აქამდე არნახულმა სკანდალმა ბომბივით იქუხა. მიზეზი გარიგებული მატჩები იყო, ბრალი კი ერთბაშად 58 ფუნქციონერს, მწვრთნელს, სპონსორს და ფეხბურთელს წაუყენეს…

ყველა ეს პირი რანგით მეორე დივიზიონის კლუბების – „არაგაცის“, „მასისის“, „ტორპედოს“ და „ლოკომოტივის“ წარმომადგენელია. კიდევ ერთი საინტერესო დეტალი: 58-დან 25(!) ეჭვმიტანილი უკრაინელია და არაოფიციალურად, საქმეს „ხახოლების საფეხბურთო მაფია“ დაარქვეს.

სომხეთის ფეხბურთის ფედერაციის აღმასკომმა თითოეულ ფიგურანტს სამი წლიდან სამუდამომდე დისკვალიფიკაცია მიუსაჯა. 25 უკრაინელიდან 20 სწორედ სამუდამო დისკვალიფიკაციით დაისაჯა. მათ შორის ყველაზე ცნობილი ფიგურები „არაგაცის“ ფაქტობრივი მფლობელი როსტისლავ კოზარი და ამავე გუნდის მთავარი მწვრთნელი იური ოკული არიან. საინტერესოა ისიც, რომ ეს ტანდემი მსგავს მაქინაციებში უკრაინაშიც გამოიჭირეს, მაგრამ მაშინ სასჯელი გაცილებით მსუბუქი იყო.