ზიკომდე ვირუსი არ მივიდა

ლეგენდარულმა ბრაზილიელმა ფეხბურთელმა, ზიკომ, თავის ინსტაგრამის გვერდზე დაწერა, რომ კორონავირუსის თაობაზე ტესტი ჩაიტარა, რომელმაც უარყოფითი შედეგი აჩვენა.

„საქმე ის არის, რომ რამდენიმე დღის წინათ, ჩემს მეგობარს, „ფლამენგოს“ ვიცე-პრეზიდენტ მაურუსიო გომეშ დე მატოშს შევხვდი, რომელსაც შემდეგ კორონავირუსი აღმოაჩნდა. ამიტომ ტესტი გავიარე. შედეგი, საბედნიეროდ, უარყოფითი აღმოჩნდა. ამან დამაწყნარა.

მოუწოდებ ყველას, ვიყოთ ფხიზლად და მედიკოსების მიერ დადგენილი რეკომენდაციები დავიცვათ,“ – წერს ზიკო.

ავტორის პროფილი

სოლომონ გულისაშვილი: სოლომონ გულისაშვილი — ადამიანი, რომელიც ვერ ჩქარობს, განსაკუთრებით თუკი სტატიას წერს, ასწორებს ან ქეიფობს. ამ ორ სფეროში უბადლოა. ერთგული ადამიანია, სამი შვილის მამა. თუ გინდა არ გაგაგიჟოს, დრო არ უნდა დაუთქვა.