რუსეთის ღირსება რინგზე დაახეთქეს

რა ძალა ედგა?! დიდი მებრძოლი იყო რუსი ფიოდორ ემელიანენკო. იმდენად დიდი, რომ MMA-ს (შერეული ორთაბრძოლების) ჩემპიონი ლამის რუსეთის ცოცხალ სიმბოლოდ შერაცხეს. 2012-ში აქტიური სპორტიდან სამგამარჯვებიანი სერიის შემდეგ ღირსეულადაც წავიდა და… დაბრუნდა, რომ საქვეყნოდ შერცხვენილოყო.

როცა BELLATOR-ის ტურნირის ორგანიზატორებმა დაურეკეს, უპასუხა: „პუტინს უნდა დავეკითხო და ისე გადავწყვეტ“. ამით საკუთარ პერსონას გაუსვა ხაზი. იგივე განმეორდა წინასატჩო პრესკონფერენციაზე, როცა ჰკითხეს, რისთვის ჩხუბობო. „ჩემი სამშობლოს ღირსებისთვის“- იყო პასუხი.

სამშობლოს ღირსებას კი რაიან ბეიდერის ცაცია და 35 წამი ეყო, რის შემდეგაც ემილიანენკოს ექიმების დახმარება დასჭირდა გონზე მოსასვლლელად.
დროულად წასვლა დიდი ნიჭია. ალბათ, ჩხუბის ნიჭზე დიდი…

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".