სამწუხაროა, მაგრამ ნიკოლოზ ბასილაშვილისთვის ავსტრალიის ღია პირველობა მესამე წრეში დასრულდა. ჩვენებურმა ბერძენ სტეფანოს ციციპასთან 3:6, 6:3, 6:7, 4:6 წააგო.
ნიკამ ჯერ მეორე სეტი მოიგო, მერე კი მესამეში 2:5-დან გაათანაბრა ანგარიში. უპირატესობა თითქოს უკვე მისკენ იყო, მაგრამ ტაი-ბრეიკზე მაინც დათმო.
შეხვედრის ბედი მეოთხე სეტის მეშვიდე გეიმში გადაწყდა. 3:3-ზე ნიკა აწვდიდა და 40:0 მიჰყავდა გეიმში, მაგრამ წააგო. ციციპასს აღარ გასჭირვებია ლოგიკურ ფინიშამდე მისვლა.
ნიკოლოზ ბასილაშვილმა პროგრამა-მინიმუმი შეასრულა და სარეიტინგო ქულები დაიცვა, თუმცა, გულდასაწყვეტია, წამიერ უყურადღებობას არწასაგები მატჩის დათმობა რომ მოჰყვა.
ციციპასთან მატჩი ნიკას სტაბილირობის კიდევ ერთი დასტურია. ეს 20 წლის ბერძენი უკვე შემდგარი ვარსკვლავია. მარტო ერთი ამოსუნთქვით მოგებული „მასტერსი“ რად ღირს, როცა ერთმენეთის მიყოლებით ტოპ-ათეულის ოთხი წევრის სკალპი მოინადირა.
ავტორის პროფილი
- მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".
უახლესი პოსტები
სიახლეები21/11/2021 | 16:00დროებითი ლორან ბლანი
აქეთურ-იქითური20/11/2021 | 19:48დანი ალვეში – თავნება გენიოსი
აქეთურ-იქითური17/11/2021 | 13:13ლემპარდს ლესტერი უნდა
აქეთურ-იქითური16/11/2021 | 17:31ვინ არის ადეიემი?