მეფე თავის ადგილზეა

არ არსებობს არანაირი ლოგიკა, როჯერ ფედერერის ამგვარ წარმატებებს რომ ახსნის. 36 წლის ასაკში ჩოგბურთელთა უმეტესობა პენსიაშია გასული, როჯერ ფედერერი კი ორშაბათიდან ATP-ის განახლებულ რეიტინგს სათვეში მოექცევა.

გაპირველებისთვის როტერდამულ მეოთხედფინალში რობინ ჰაასეს დამარცხებამ იკმარა და ერთბაშად სამი რეკორდიც დამყარდა:

საჩოგბურთო ამქრის სათავეში 36 წლისა ჯერ არავინ მოქცეულა. აქამომდელი უხუცესი ანდრე აგასი იყო, რომელსაც 33 წლისას ეკავა რეიტინგის პირველი საფეხური.
პირველი საფეხურიდან ფედერერი ზუსტად 5 წლისა და 106 დღის წინ დააქვეითეს. ამხელა პაუზის შემდეგ კი პირველობა არავის დაუბრუნებია.
როჯერ ფედერერი მსოფლიოს პირველი ჩოგანი პირველად 2004 წელს გახდა და საერთო ჯამში რეიტინგის პირველ საფეხურზე 302 კვირის განმავლობაში იმყოფებოდა.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".