პიონგჩანგის ოლიმპიადა, რომლის გახსნამდეც სამი დღე დარჩა, გაუთვალისწინებელი პრობლემის წინაშე აღმოჩნდა. ოლიმპიადის მასპინძელ ქალაქში ვირუსული ინფექცია გავრცელდა. ვირუსით, რომელიც გასტროენტერიტს იწვევს, უკვე დაავადდნენ როგორც მომსახურე პერსონალი, ასევე სპორტსმენებიც. ვირუსის შემდგომი გავრცელების და ეპიდემიის თავიდან ასაცილებლად, საორგანიზაციო კომიტეტმა უკვე 1200 თანამშრომელი დაითხოვა.
ლი ჰი ბომი, ოლიმპიადის საორგანიზაციო კომიტეტის პრეზიდენტი: მსურს ყველას ბოდიში მოგიხადოთ. ჩვენი დაავადებათა კონტროლის ცენტრი, ასევე სხვა კომპეტენტური ორგანოები ახლა კონტრზომებზე მუშაობენ, რომელთა შესახებაც უახლოეს მომავალში შეგატყობინებთ.
ეპიდემიის გავრცელების გარდა, ოლიმპიადას ძლიერი ყინვებიც ემუქრება. ბოლო დღეებია, ღამით ტემპერატურა -21 გრადუსამდე ეცემა. ორგანიზატორები ამბობენ, რომ მაყურებლებს თბილი გადასაფარებლებით და ცხელი სასმელებით მაქსიმალურად მოამარაგებენ.
ავტორის პროფილი
- „სპაიდერმენი“, „ბეტმენი“, „სუპერმენი“... მასზე უნდა გადაიღო ფილმი სათაურით - „შემსრულებელმენი“. გიორგი დარჯანიას დაავალე - შეასრულებს, ოღონდ ხუთ საათამდე. ხუთის მერე ვეღარ იპოვი.
უახლესი პოსტები
დავთარი16/11/2025 | 18:55რისთვის ვეჩხუბებით ვილის?
დავთარი11/09/2024 | 13:52დაუსტვინე ბებიაშენს
დავთარი09/09/2024 | 23:29სამივლინებო ჩანაწერები
დავთარი06/07/2024 | 17:53გვიანი პასუხი ზეპ ბლატერს