პარასკევს, 22 ოქტომბერს, ქარიმ ბენზემა 10 თვიანი პატიმრობისა და 75 ათასი ევროთი დაჯარიმების საშიშროების წინაშე იდგა, მაგრამ მოსამართლემ სხდომა 24 ნოემბრისთვის გადადო. „რეალისა“ და საფრანგეთის ნაკრების თავდამსხმელს ისევ ძველ ამბავს, მატიე ვალბუენას სექს-ვიდეოთი შანტაჟს ედავებიან. სასამართლოში საქმე უკვე სამჯერ განიხილეს. ბედის ირონიაა, რომ 25 ნოემბერს, როდესაც ფაქტობრივად ბენზემა განაჩენს შეიტყობს, „რეალს“ სტუმრად, ჩემპიონთა ლიგაში ტირასპოლის...
ტირასპოლის „შერიფმა” მადრიდში „რეალს” 2:1 მოუგო. საინტერესოა, როგორ აღიქვამს ამ ფაქტს ქართული საფეხბურთო ამქარი: დნესტრისპირეთის არაღიარებული რესპუბლიკის გუნდებმაც კი დაიწყეს დიდ მეტოქეებთან მოგება და ჩვენ რა ჭირი დაგვეტაკა თუ „რეალმაც“ კი წააგო ვიღაც „შერიფთან“ და ჩვენ რომ ვაგებთ ამაში რა არის გასაკვირი… ასეა თუ ისე, სენსაცია შედგა. ეს გახლდათ ჩემპიონთა ლიგაში „რეალის“ პირველი თამაში განახლებულ...
31 წლის ტონი კროოსმა ტრავმა მოიშუშა და მოედანს უბრუნდება. გერმანელს მკურნალობა გაუჯანჯლდა, თუმცა უკვე მზად არის „რეალის“ შემადგენლობაში, ჩემპიონთა ლიგაში ტირასპოლის „შერიფის“ წინააღმდეგ ითამაშოს. 2014 წლის მსოფლიოს ჩემპიონმა Spox-სა და Goal-ს ინტერვიუ მისცა, სადაც თავისი მდგომარეობა ასე აღწერა: „გახარებული ვარ, რადგან ექვს თუ შვიდთვიანი ტკივილი დასრულდა. აგერ, გუნდთან ერთად უკვე მესამედ ვივარჯიშე და ცუდი არაფერი...
იცით, რამხელა ქვეყანაა მოლდოვა? ჩვენზე პატარა. იცით, რამდენია მოლდოვას მოსახლეობა? ჩვენზე ცოტა. იცით, რამდენია მოლდოვაში მთლიანი შიდა პროდუქტი ერთ სულზე გადაანგარიშებით? ჩვენზე ნაკლები. იცით, რომელი იყო საუკეთესო კლუბი, სადაც საუკეთესო მოლდოველ ფეხბურთელს უთამაშია – „ბაშაქშეჰირი“. იცით, რამდენი ოლიმპიური ჩემპიონი ჰყავთ მოლდოველებს? არც ერთი. იცით, საბჭოთა კავშირის ჩემპიონატში რა იყო საუკეთესო მოლდოვური კლუბის ყველა დროის საუკეთესო...
ვუყურებდი ჩემპიონთა ლიგის კენჭისყრას და საკუთარი თავი შემეცოდა. ქართული ფეხბურთის ყველა ქომაგი შემეცოდა, უკვე რამდენი წელია, ღარიბი მეზობლის ბავშვივით ღობის გადაღმიდან რომ ვადევნებთ თვალს სხვის ეზოში გაშლილ ლხინის სუფრას. არ გვიშვებენ: ჯერ პატარები ხართ და ვიდრე წამოიზრდებით, თქვენივე ორღობეში კოჭი გააგორეთო. გაბრაზებული კაცის ნაწერად არ მოგეჩვენოთ. უფრო გულის დაწყვეტაა. იმ ლხინზე, ჩვენ რომ ვერ ვეღირსეთ,...
ეძღვნება თბილისის დინამოს დავიკარგე, ხომ იცი? აღარავის აღარ ვაქვარ… არა, რა ვაქვარ… ვაქ. თუ ვყავარ? არა, არც ვყავარ. მოკლედ, აღარსად აღარ ვარ. სანთლით უნდა მეძებო. არადა, რამხელა ვიყავი! ხომ გახსოვს ერევანში ჭომამ მსაჯს ტაში რომ დაუკრა, იმან კიდევ ეგ როგორ მაკადრეო და წითელი ბარათი რომ ამოუღო? აი, მაშინ იმხელა ვიყავი, რომ ათი კაცით დარჩენილმა ბიჭებმა...
ნიონში, უეფას შტაბ-ბინაში გამართულმა წილისყრამ ევროპის ლიგის ჯგუფის შანსი დახატა. თბილისელები თუ დედაქალაქელები ფარერების „კლაკსვიკთან“ ევროპა ლიგის მესამე საკვალიფიკაციო ეტაპს დაძლევენ, ფლეი ოფში მათი მეტოქე ირლანდიურ „დანდალკსა“ და მოლდოვურ „შერიფს“ შორის გამარჯვებული იქნება. ამაზე უკეთეს წილისყრას ქართული კლუბი ვერ ინატრებდა, იმის მიუხედავად, რომ ჯგუფურ ეტაპამდე დარჩენილი ორივე მატჩის სტუმრად გამართვა მოუწევს. რაც შეეხება თბილისის „ლოკომოტივს“:...
დრო იყო, ჩვენი „დინამოს“ ძირითადი გუნდის ფეხბურთელს აზერბაიჯანულ კლუბთან მოედანზე გასვლას ვერ აკადრებდი. დღეს კი „გაბალასთან“ მოგებამ გამახარა. 2016-17 წლების სეზონში ვერც ერთმა ქართულმა გუნდმა ევრო თასების პირველი ეტაპი ვერ გადალახა, აზერბაიჯანული კლუბები კი ათ წელიწადზე მეტია გვიგებენ. მოდი და ეს პატარა გამარჯვება ნუ გაგახარებს. თანაც, ჩვენი სამი გუნდი ევრო საგზურებისთვის ბრძოლას ჯერ კიდევ აგრძელებს…...
„საბურთალომ“ ჩემპიონთა ლიგის პირველ საკვალიფიკაციო ეტაპზე ისე დაიქუხა, გვეგონა, ევროპას ავალაპარაკებდით. არა, მეორე ეტაპზე მაინც გავედით, მაგრამ ბეწვის ხიდის და ვალიდოლის ერთთვიანი მარაგის ხარჯზე. როგორ უნდა მოახერხო, სტუმრად მოპოვებული სამბურთიანი უპირატესობის 11 წუთში განიავება? „შერიფია“ ბოლოს და ბოლოს, „ლივერპული“ ხომ არა? ფეხბურთელებს შევეშვათ. როცა მწვრთნელი თავის გადაზღვევას და მეტოქის წინასწარ განდიდებას იწყებს, ეს გუნდის ფსიქოლოგიურ...
ბნელი 90-იანების მიწურულს, 1999 წლის 20 აგვისტოს, თბილისში, იოსებიძის ქუჩაზე, 161-ე სკოლის ბაზაზე საფეხბურთო კლუბი „საბურთალო“ დაარსდა. 16 წლის თავზე, „საბურთალომ“, ჭაბუკთა შორის შიდა თუ ევროსარბიელზე წარჩინებულად რომ გამოდიოდა, საქართველოს უმაღლეს ლიგაში თამაშის უფლება მოიპოვა. სამ წელიწადში თბილისური გუნდი ქვეყნის ჩემპიონი გახდა და ჩემპიონთა ლიგის საკვალიფიკაციო ეტაპზე თამაშის უფლებაც მოიპოვა. 9 ივლისს, „საბურთალო“ მოლდოვაში ჩაფრინდა...