ეროვნული ჩემპიონატის 24-ე ტურში მნიშვნელოვანი სატურნირო ცვლილება მოხდა, გორის „დილა“ მიმდინარე სეზონში პირველად გალიდერდა. აქამდე მოქმედ ჩემპიონ „იბერიას“ პირველობა არავისთვის დაუთმია, ამჯერად კი აუტსაიდერ „კოლხეთთან“ შინ 0:2 დამარცხდა, გორელებმა კი საკუთარ მოედანზე ასეთივე ანგარიშით სძლიეს ორკაცნაკლულ „ბათუმს“ და ერთი ქულით გაუსწრეს გია გეგუჩაძის შეგირდებს. ახლა „დილას“ 53 ქულა აქვს, „იბერიას“ – 52. „იბერიამ“ წლევანდელ სეზონში...
ეროვნული ლიგის მეორე ტური მასპინძლებისა გამოდგა. ხუთიდან სამ შეხვედრაში დამხვდურებმა გაიმარჯვეს. ვნახეთ სეზონის პირველი ავტოგოლი (ერიკ პიმენტელი, „ტორპედო“) და გაცუდებული პენალტი (დავით მუჯირი, „სამგურალი“). „დინამომ“ „სამგურალს“ 2:1 მოუგო. გამარჯვების გოლი 95-ე წუთზე ნიკა ნინუამ გაიტანა საჯარიმოს გარედან, უძლიერესი დარტყმით. მან ძველი ნინუა გაგვახსენა, როცა ულამაზესი ბურთები გაჰქონდა ხოლმე შორიდან. განსაკუთრებით საჯარიმოები. „დინამოს“ კლუბის 100-წლისთავისადმი მიძღვნილი...
წყალტუბოს „სამგურალის“ მიხეილ აშვეთიას წასვლის შემდეგ კლუბის ხელმძღვანელობამ ახალ მწვრთნელად იტალიელი სპეციალისტი რუდოლფო ვანოლი დანიშნა, რომელთანაც კონტრაქტი 2025 წლის ბოლომდე გააფორმა. ვანოლის საფეხბურთო კარიერა „უდინეზესა“ და „ლეჩეში“ აქვს გატარებული – სერია A-ში 200-ზე მეტი მატჩი ჩაუტარებია. იტალიელმა მწვრთნელობა 2001 წლიდან შვეიცარიულ „მენდრისიოში“ დაიწყო, შემდეგ კი „ლუგანოს“ ხელმძღვანელობდა. შვეიცარიაში გატარებული ხუთი წლის შემდეგ ვანოლი სამშობლოში დაბრუნდა...
წყალტუბოს „სამგურალის” უკრაინელ მთავარ მწვრთნელს ალექსანდრ პოკლონსკის კონტრაქტი დუსრულდა და კლუბმა მასთან თანამშრომლობის გაგრძლება აღარ ისურვა. მის ნაცვლად ახალი სეზონიდან წყალტუბოელებს მიხეილ აშვეთია გაწვრთნის, რომელიც აქამდე „სამგურალის” სპორტული დირექტორის თანამდებობაზე მუშაობდა. 46 წლის აშვეთია პროლიცენზიის მფლობელია და სამწვრთნელო გამოცდილებაც აქვს — წლების წინ მუშაობდა ქუთაისის „ტორპედოს” მთავარი მწვრთნელი იყო. 2021 წლიდან ის გახლდათ „სამგურალის” მთავარი...
ზაქარია ბეგლარიშვილი ხანგრძლივი პაუზის შემდეგ საქართველოში დაბრუნდა და კარიერას „გაგრაში“ გააგრძელებს, სადაც მისი დებიუტი უკვე შედგა წყალტუბოს „სამგურალთან“ საქართველოს თასის 1/16-ფინალურ შეხვედრაში. 33 წლის ბეგლარიშვილმა კარიერა 2007-2008 წლებში „თბილისში“ დაიწყო, მაგრამ მისი ძირითადი ნაწილი ესტონეთში გაატარა, სადაც „ფლორასა“ და „ლევადიაში“ თამაშობდა და რამდენჯერმე გახდა ესტონეთის ჩემპიონი, თასისა და სუპერთასის მფლობელი. ესტონეთის გარდა ბეგლარიშვილმა უნგრეთისა („ჰონვედი“)...
ეროვნული ლიგის მე-15 ტურში „სამგურალის“ 8-მატჩიანი გამარჯვებების სერია დამთავრდა, თუმცა მოწინააღმდეგეც ყოჩაღი ჰყავდა – „ბათუმი.“ თამაში თანაბარი გამოდგა და სამართლიანად დამთავრდა – 1:1. ახლა მათ 32-32 ქულა მოაგროვეს და ზღვისპირელები ისევ დამატებითი მაჩვენებლების წყალობით (ბურთების ბალანსი, ურთიერთშეხვედრები) ლიდერობენ. აი, „დინამო“ კი მეოთხე ადგილამდე დაეშვა. ბოლო ოთხ ტურში მათ მხოლოდ ერთხელ გაიმარჯვეს. ამჯერად ერთ-ერთ აუტსაიდერ „შუქურასთან“...
წყალტუბოს „სამგურალი“ ახალ სეზონს სიახლეებით ხვდება. როგორც ცნობილია, გუნდის მწვრთნელ გიორგი მიქაძეს კონტრაქტი აღარ გაუგრძელეს. კლუბის პრესსამსახურის მიერ გავრცელებული ინფორმაციით კი გიორგი მიქაძის ნაცვლად ახალი სეზონიდან გუნდს გიორგი ჭელიძე გაწვრთნის. ჭელიძე გასული სეზონის დასაწყოსში „თელავში“ მუშაობდა, საიდანაც სეზონის შუაში წამოვიდა, გასული ჩემპიონატის ბოლოს ის ბოლნისის „სიონში“ დაინიშნა, მაგრამ გუნდის ეროვნულ ლიგაში დატოვება ვერ მოახერხა. მთავარი მწვრთნელის...
წყალტუბოს „სამგურალს“ გიორგი მიქაძე აღარ გაწვრთნის. მთავარი მწვრთნელის განთავისუფლების შესახებ განცხადება კლუბის პრესსამსახურმა ოფიციალურად გაავრცელა – მთავარ მწვრთნელთან შრომითი ხელშეკრულება კლუბის გადაწყვეტილებით შეწყდა. „სამგურალმა“ მადლობა გადაუხადა მიქაძეს გაწეული სამსახურისთვის და წარმატებები უსურვა მომავალ საქმიანობაში. ეროვნული ლიგის დასრულებულ სეზონში „სამგურალმა“ 57 ქულა დააგროვა, მეოთხე ადგილი დაიკავა და ევროტურნირებს მიღმა დარჩა.
2022 წლის 15 ნოემბერს საქართველოს ფეხბურთის ფედერაციის სადისციპლინო და დავების განმხილველი კომიტეტის სხდომა გაიმართა, რომელზეც 2022 წლის 12 ნოემბერს, ეროვნულ ლიგაში ბათუმის „დინამოსა“ და წყალტუბოს „სამგურალის“ მატჩის მიმდინარეობისას და მისი დასრულების შემდეგ მომხდარი ამბავი განიხილეს. საქართველოს ფეხბურთის ფედერაციის სადისციპლინო და დავების განმხილველმა კომიტეტმა აღნიშნულ საქმესთან დაკავშრებით გადაწყვეტილება მიიღო: ბათუმის „დინამო“ მომდევნო მატჩს მაყურებლის გარეშე გამართავს...
ეროვნული ლიგის მიმდინარე სეზონის დამთავრებამდე ორი ტური დარჩა და ვითარება უკიდურესად დაიძაბა. ამ დაძაბულობის მაპროვოცირებლები კი ტიტულის მთავარი მაძიებლები არიან. ჯერ იყო და, „დინამომ“ შინ „თელავს“ ვერ მოუგო, შემდეგ კი „ბათუმმა“ სულაც საკუთარ კედლებში წააგო „სამგურალთან.“ „თელავი“ გასავარდნ ზონაშია და „დინამოს“ დიდი ბრძოლა გაუმართა. ეგ კი არა, კახელებს ცოტა რომ გამართლებოდათ, შეიძლება თელავში სამი ქულაც...