საქართველოს ჩემპიონი „ბათუმი“ კიდევ ერთ ფეხბურთელს შეელია – გუნდი 26 წლის შემტევმა ირაკლი ბიძინაშვილმა დატოვა და კარიერას ყაზახეთის ჩემპიონატში, „ჟენისში“ გააგრძელებს, სადაც მწვრთნელად ლევან კორღალიძე მუშაობს. ბიძინაშვილმა კლუბთნ კონტრაქტი წლის ბოლომდე გააფორმა. ის „საბურთალოს“ აკადემიის აღზრდილია. უთამაშია სომხურ „არცახში“, ლატვიურ „იელგავაში“, გორის „დილასა“ და „ბათუმში“.
„ბათუმი,“ როგორც მოსალოდნელი იყო, ვადამდე გახდა ქვეყნის ჩემპიონი. ეს ზღვისპირელების მეორე ტიტულია ბოლო სამ წელიწადში. ასევე ორჯერ ყოფილან საქართველოს ჩემპიონები „ვიტ ჯორჯია,“ „ზესტაფონი“ და „რუსთავი.’’ 4-ჯერ – „ტორპედო,“ თითოჯერ – „სამტრედია,“ „დილა,“ „სიონი“ და „საბურთალო“. ხოლო აბსოლუტური ლიდერი თბილისის „დინამოა“ – 19 ტიტული. „ბათუმმა“ „თელავს“ 3:0 მოუგო. თავი ირაკლი ბიძინაშვილმა, გიორგი ზარიამ და ცოტნე ფაცაციამ...