„ამათ, მგონი, ფულის სუნი აქვთ ნაკრავი,“ – მომკალით და ცნობილი ქართული ფილმის ცნობილი ფრაზა დიდი ხნის წინ ამეკვიატა. მას შემდეგ, რაც რაგბის კავშირში დაიწყო სერიალი „ვირჩევთ პრეზიდენტს“. რადგან ფილმი ვთქვით, რა უბედურება იყო ამდენ დუბლად გაწელილი საპრეზიდენტო არჩევნები? აკი რაგბი ჩვენი თამაშია და აქ მხოლოდ ვაჟკაცური საქციელები მოსულაო? არავის, არც ერთ მხარეს არ გავამართლებ და...
„ექსპო ჯორჯიას“ მე-11 პავილიონში რაგბის კავშირის საერთო კრება გაიმართა, რომლის ერთადერთი სამუშაო საკითხი საქართველოს რაგბის კავშირის პრეზიდენტის არჩევა იყო. კანდიდატიც, საკითხივით ერთადერთი იყო — ბიზნესმენი იოსებ ტყემალაძე. იურიდიულად ეს იყო განმეორებითი არჩევნები, თუმცა მთლიანობაში ეს იყო განმეორებითის განმეორებითის განმეორებითის და ვინ მოთვლის კიდევ მერამდენედ განმეორებითი არჩევნები. როგორც მოსალოდნელი იყო, ღონისძიება დიდი ხმაურის ფონზე წარიმართა. საქართველოს...
დღეს დილიდან ავჭალაში ხმაური იყო – სარაგბო სტადიონ „ავჭალას“ საკონფერენციო დარბაზში საქართველოს რაგბის კავშირის გამგეობის ყრილობა და პრეზიდენტის არჩევნები იყო ჩანიშნული. მშვიდობა ვერადავერ დამყარდა. მთელი წინაისტორიის გახსენებას არ დავიწყებთ. მხოლოდ ბოლოდროინდელ ამბებს შეგახსენებთ. საჯარო რეესტრმა ირაკლი აბუსერიძის პრეზიდენტობა არ დაარეგისტრირა და „ძველმა“ გამგეობამ ახალი არჩევნები დანიშნა. 23 თებერვალს პრეზიდენტობის მსურველთა რეგისტრაცია დასრულდა და განაცხადი ერთადერთმა...
საქართველოს რაგბის კავშირის გამგეობა საპრეზიდენტო არჩევნები, აგერ, უკვე მეოთხედ დანიშნა, რადგან შარშან გამართული სამი მცდელობიდან შედეგი ვერც ერთმა მოიტანა. ზამთარში ჯერ ირაკლი აბუსერიძემ და ბაჩო ხურციძემ გამგეობას არჩევნების გადადება მოსთხოვეს – აქაოდა ჯეროვნად მომზადება ვერ მოვასწარითო. თანხმობა მიიღეს, მაგრამ ახალი თარიღი უკვე პანდემიის გამძვინვარებას დაემთხვა და ეს ცდაც ფუჭი გამოდგა. ბოლოს არჩევნები მაინც ჩატარდა –...
ბორჯღალოსანთა ექს-კაპიტანი ირაკლი აბუსერიძე საქართველოს რაგბის კავშირის პრეზიდენტია. სამგზის გადადებული არჩევნები დღეს თბილისის „ლოკომოტივის“ სარაგბო ბაზაზე გაიმართა და მას 20 კლუბის წარმომადგენლები დაესწრნენ, რომელთა ხმების საერთო რაოდენობამ 43 შეადგინა. არჩევნებზე გამოცხადდა, მაგრამ წილისყრაში მონაწილეობა არ მიუღია „გორდას“, რომელსაც ორი ხმა ჰქონდა. კენჭისყრის შედეგად 10 ხმა მიიღო გოჩა სვანიძემ, ხოლო ირაკლი აბუსერიძეს 31 ხმა ერგო და...
გოჩა სვანიძე საქართველოს რაგბის კავშირის პრეზიდენტის პოსტიდან გადადგა. ჯერ ეს არაოფიციალური ცნობაა, თუმც ამბობენ, რომ თანამდებობიდან მისი წასვლა დღესვე დადასტურდება. ქართულ რაგბში მძიმე პერიოდია. კრიზისი მომწიფდა: ახალი პრეზიდენტის არჩევნები, რომელიც წლის დასაწყისში უნდა გამართულიყო, რამდენჯერმე გადაიდო, თან სკანდალების ფონზე. პრეზიდენტობის ერთ-ერთი კანდიდატი, რაგბის კავშირის მაღალი მიღწევების ყოფილი მთავარი მენეჯერი ბაჩო ხურციძეა, კიდევ ერთი კანდიდატი კი...
რაგბის კავშირის პრეზიდენტის არჩევნები განუსაზღვრელი ვადით გადაიდო. ასე გადაწყვიტა კავშირის გამგეობამ – ქვეყანა კორონავირუსს ებრძვის, გამოცხადდა საგანგებო მდგომარეობა, ყველა სპორტული ღონისძიება არა თუ ჩვენში – პლანეტა დედამიწაზე არის შეწყვეტილი, გადადებული, გაუქმებული… ერთადერთი იმას შეგახსენებთ, რომ თავდაპირველად არჩევნები 25 იანვარს უნდა გამართულიყო, მაგრამ პრეზიდენტობის კანდიდატებმა ბაჩო ხურციძემ და ირაკლი აბუსერიძემ სხვადასხვა მიზეზთა გამო გადადება მოითხოვეს, რაც...
დღეს 30 იანვარია, მაგრამ რაგბის კავშირის მომდევნო ოთხწლეულის თავკაცის ვინაობას დღეს ვერ შევიტყობთ. რატომ? იმიტომ რომ კავშირის გამგეობამ არჩევნების თარიღი 30 იანვრიდან 24 თებერვლამდე გადაწია. რა გახდა ამ მოულოდნელი გადავადების მიზეზი? არჩევნებამდე 2 დღით ადრე გამგეობაში შევიდა განცხადებები არჩევნების ორი მონაწილისგან. ბაჩო ხურციძე არჩევნების წესდების ნიუანსებში გასარკვევად ითხოვდა დამატებით დროს, ხოლო ირაკლი აბუსერიძეს ეს პერიოდი...
მოგეხსენებათ, 30 იანვარს საქართველოს რაგბის კავშირის საანგარიშო ყრილობა გაიმართება, რომელსაც საპრეზიდენტო არჩევნები მოჰყვება. ჰოდა, პრეზიდენტობის კანდიდატთა ვინაობაც უკვე საბოლოოდ გაირკვა. მომდევნო 4 წლის, ანუ ერთი სრული სარაგბო ციკლის განმავლობაში საქართველოს რაგბის კავშირს უხელმძღვანელებს შემდეგი სამი ფუნქციონერიდან ერთ-ერთი: გოჩა სვანიძე, ბაჩო ხურციძე ან ირაკლი აბუსერიძე. ამ წერილში ვეცდებით, სამივე კანდიდატის შანსები მოკლედ მიმოვიხილოთ და შევაფასოთ. ბაჩო...
1 თებერვალს, „დინამო არენაზე“ რუმინეთის ნაკრებთან მატჩით, საქართველოს ეროვნული ნაკრები „რაგბი ევროპის“ 2020 წლის ჩემპიონატში ჩაებმება. რაღა დარჩა – ორ კვირაზე ოდნავ მეტი, მაგრამ ბორჯღალოსნებს მსოფლიო თასის დასრულებიდან მოყოლებული, უმწვრთნელოდ უწევთ არსებობა. „მუხების“ დასახვედრად გუნდს ლევან მაისაშვილი მოამზადებს – ნაკრების ყოფილი დამრიგებლის, მილტონ ჰეიგის ასისტენტი და გუნდის დაცვის მწვრთნელი. მაგრამ ყველას გვაინტერესებდა, თუ ვინ ჩაიბარებს...