უნგრეთის ქალაქ სეგედში მიმდანრე 18 და 23-წლამდელ ნიჩბოსანთა მსოფლიოს ჩემპიონაზე, 18-წლამდელებს შორის ერთადგილიანი კანოეთი 500 მეტრიან დისტანციაზე რუსთაველმა ალექსანდრე წივიწივაძემ პირველი ადგილი დაიკავა და მსოფლიოს ჩემპიონის ტიტული მეორედ მოიგო. ფინალურ რბოლში ქართველი სპორტსმენი თავიდან ორ მეტოქეს ჩამორჩა, მაგრამ ბოლო, ასმეტრიან მონაკვეთზე სისწრაფეს უმატა და ორივე უკან მოიტოვა.
ალექსანდრე წივწივაძე ევროპის ჩემპიონია! პოლონეთის ქალაქ პოზნანში მიმდინარე შეჯიბრებაზე რუსთაველმა ნიჩბოსანმა 1000 – მეტრიან დისტანციაზე ოქროს მედალი მოიგო. საინტერესოა, რომ მეორე ადგილზე რუსი მაქსიმ კარატაევი გავიდა, რომელსაც ქართველმა 1,4 წამით აჯობა. ჩვენიანს სრული დისტანციის დასაფარად 4.01 წუთი დასჭირდა. კიდევ ორი ქართველი – მურმან მალანია და ლიდია სულაბერიძე კი ნახევარფინალში არიან და ფინალში გასვლას ეცდებიან…