მამუს ქულებმა ტორონტოს ვერ უშველა

სანდრო მამუკელაშვილის „ტორონტოს“ სტარტი ძალიან წააგავს გოგა ბითაძის „ორლანდოსას“: ორივემ საწყისი თამაში მოიგო და მერე ზედიზედ ორი დათმო. კანადელებმა ამჯერად დალასში წააგეს – 129:139. მამუკელაშვილი ისევ სათადადრიგო იყო, მაგრამ მოედანზე 21. 44 წუთი დაჰყო, რა დროშიც 16 ქულა, 1 მოხსნა და 3 პასი გაახერხა.

მამუმ ხუთიდან ხუთივე ორქულიანი ჩააგდო; საჯარიმოს ხაზიდან სამიდან სამივე ზუსტად ისროლა; სამქულიანი კი, სამჯერ ისროლა და ზუსტი ერთი იყო.

„ტორონტო“ მომდევნო მატჩს ისევ ტეხასში ითამაშებს და ამჯერად „სან ანტონიოს“ გაეჯიბრება.