სამი გოლი და სამი კაპიტანი

მსოფლიოს 2026 წლის ჩემპიონატის საკვალიფიკაციო ეტაპის მეორე ტურში საქართველოს ნაკრებმა ბულგარეთს უმასპინძლა და მეტოქე 3:0 დაამარცხა. თურქეთთან მატჩის შემდეგ, დღევანდელი შედეგი უმნიშვნელოვანესი იყო და ჩვენმა გუნდმაც პირველი 3 ქულა მოიპოვა მიმდინარე შესარჩევ ტურნირში.

ანგარიში 30-ე წუთზე ხვიჩა კვარაცხელიამ გახსნა, ხოლო სხვაობა ორამდე 44-ე წუთზე ნიკა გაგნიძემ გაზარდა. გაგნიძისთვის ეს ეროვნულ გუნდში სადებიუტო გოლი გახლდათ. 65-ე წუთზე კი, თავისი გოლი გიორგი მიქაუტაძემაც გაიტანა და ტაბლოზე საბოლოო ანგარიში დააფიქსირა.

გატანილი გოლების გარდა, ჩვენს გუნდს არაერთი მომენტი ჰქონდა და გატანა კიდევ შეეძლო. ფაქტია, რომ 4 მცველიან ტაქტიკაზე გადასვლამ ბულგარეთთან შეტევაში თამაში გაგვიადვილა.

საინტერესოა, რომ ამ შეხვედრაში საქართველოს ნაკრებს პირველად უკაპიტნა ხვიჩა კვარაცხელიამ, შემდეგ კი საფინალო სასტვენამდე გუნდს კიდევ ორი კაპიტანი ჰყავდა: კვარაცხელიას გასვლის მერე ოთარ კაკაბაძე და კაკაბაძის გასვლის მერე ბუდუ ზივზივაძე, რომელსაც ასევე პირველად ეკეთა კაპიტნის სამკლავური.

Khvicha Kvaratskhelia, captain of Georgia, kicks the ball during the FIFA World Cup 2026 qualifier match between Georgia and Bulgaria at Boris...