მხოლოდ მბაპე და ლუნინი მივიდნენ

Kylian Mbappé, Lucas Vázquez, Andriy Lunin as Real Madrid pay tribute and say farewell to Lucas Vázquez at Valdebebas training ground on July 17,... როგორც მედიაში დაიწერა ხუთშაბათს, ვალდებებასის საწვრთნელ ბაზაზე ლუკას ვასკესის გაცილებას „რეალის’’ მხოლოდ ორი ფეხბურთელი დაესწრო. თეთრების პირველ გუნდში გატარებული ათი წლის შემდეგ გარემარბი, რომელიც კარიერის მანძილზე მარჯვენა მცველად ჩამოყალიბდა, კლუბს ჯილდოებითა და ტიტულებით დამძიმებული დაემშვიდობა.

„რეალთან’’ ვასკესის გამომშვიდობება შვებულებების პერიოდს დაემთხვა. ფეხბურთელთაგან მხოლოდ ორმა შეწყვიტა დასვენება და ვეტერანისთვის ხელის ჩამოსართმევად ჩაფრინდა მადრიდს. ესენი იყვნენ ფრანგი კილიან მბაპე და უკრაინელი ანდრეი ლუნინი. საწვრთნელ ცენტრში მივიდა ექვსი სეზონის განმავლობაში ვასკესის თანაგუნდელი ბრაზილიელი მარსელოც.

ვასკესი რეალის აღზრდილია. მან ყმაწვილთა გუნდში 2007 წელს დაიწყო ვარჯიში და დღეს 34 წლისა 23 ტიტულით ხელდამშვენებული სტოვებს „სანტიაგო ბერნაბეუს’’. ამ ჯილდოებს შორის არის ხუთი ჩემპიონთა ლიგა და ოთხი ლა ლიგის ჩემპიონის მედალი.

სად გააგრძელებს კარიერას ვეტერანი ცნობილი არ არის. ამბობენ, რომ ის ევროპაში არ დარჩება, შემთხვევით „რეალის’’ წინააღმდეგ რომ არ მოუწიოს თამაშმა.