ორი ქართველი მერვედფინალში

FIDE WOMEN'S WORLD CUP BATUMI 2025 Archives - Warrior Chess Academy ბათუმში მიმდინარე მოჭდრაკე ქალთა მსოფლიო თასს ორი ქართველი შემორჩა – ნანა ძაგნიძე და ლელა ჯავახიშვილი.

მერვედფინალში პირველი ჯავახიშვილი გავიდა, ვინაც რუს პოლინა შუვალოვას საქმე კლასიკურ პატიებში მოუმთავრა და 1,5:0,5 დაამარცხა. შემდეგ ეტაპზე ჯავახიშვილის მეტოქე ჩინელი სონგ იუქსინი იქნება.

მძიმე ბრძოლა გადაიტანა ძაგნიძემ, რომელმაც კიდევ ერთი რუსს, ვალენტინა გუნინას 4:2 მოუგო: კლასიკური პარტიები ყაიმით დასრულდა, ასევე მორჩა სწრაფი პარტიები, ხოლო ბლიცში ჩვენებურმა ორივე პარტია მოიგო.

შანსი იყო მერვედფინალში ძაგნიძის მეტოქე ბელა ხოტენაშვილი ყოფილიყო, მაგრამ ქართველმა დიდოსტატმა უკრაინელ მარია მუზიჩუკთან (0:2) წააგო და ახლა ძაგნიძეს აქვს შანსი მეგობრის გამო „შური იძიოს“.

დამარცხდა მერი არაბიძეც, რომელმაც შვეიცარიელ ალექსანდრა კოსტენიუკთან კლასიკური პარტიების ყაიმით დასრულების შემდეგ, სწრაფ პატიებში წააგო – 1,5:2,5.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...