კონტე მეორე ტაიმმა გააბრაზა

Khvicha Kvaratskhelia of Napoli shoots at goal during the Serie A match between Genoa and Napoli at Stadio Luigi Ferraris on December 21, 2024 in... „ნაპოლიმ’’ გენუაში „ჯენოა’’ 2:1 დაამარცხა. ანგარიში ანდრე-ფრანკ ზამბო ანგისამ გახსნა, შემდეგ ამირ რაჰმანიმ მეორე გოლი გაიტანა, შესვენების შემდეგ კი ანდრეა პინამონტიმ სხვაობა შეამცირა. უნდა ითქვას, რომ ნეაპოლელთა გამარჯვებაში დიდი როლი ითამაშა იღბალმა, რადგან მასპინძლებმა რამდენიმე გვარიანად სახიფათო მომენტი შექმნეს, მაგრამ გოლი ვერ გაიტანეს.

ხვიჩა კვარაცხელია მოედანზე 73-ე წუთზე შევიდა და რამდენჯერმე თამაშის გამწვავება სცადა.

მატჩის შემდეგ, „აძურის’’ მწვრთნელმა ანტონიო კონტემ თქვა: „ვერ გეტყვით, მეორე ტაიმში „ჯენოას’’ თამაში შეიცვალა თუ ჩვენი. პირველ ტაიმში ყველაფერი კარგად მიდიოდა და ძალიან კმაყოფილი ვიყავი. შესვენებისას ბიჭებს ვუთხარი, მეტოქისთვის გონს მოგების შესაძლებლობა არ მიეცათ, რადგან ვიცი ეს სტადიონი და ვიცი, როგირ შეიძლება აქ აინთოს მასპინძელი გუნდი. სამწუხაროდ, სწორედ საპირისპირო გავაკეთეთ. საბოლოოდ, პირველი ტაიმით ძალიან კმაყოფილი დავრჩი, ის შესაძლოა მიმდინარე სეზონში საუკეთესოც კი იყო, მაგრამ გვქონდა ცუდი მეორე ტაიმი, რომელიც მწარედ დაგვამახსოვრდება. ეს არ იყო ჩვენი ფეხბურთი. ასეთი რამ არ უნდა გამეორდეს, თორემ მთელი ნამუშევარი წყალში გადაგვეყრება. თუ რაიმეზე გაქვს პრეტენზია, 95 წუთის განმავლობაში მაქსიმუზე უნდა იყო. დღეს გაგვიმართლა. სხვა დროს შეიძლება სიმწრის ცრემლები წამოგვივიდეს. ამიტომ, ფეხი გაზის პედალზე უნდა დავტოვოთ’’.