მადრიდის „რეალის“ მწვრთნელმა და მიუნხენის „ბაიერნის“ ყოფილმა დამრიგებელმა კარლო ანჩელოტიმ უპასუხა კითხვას, თუ რატომ დატოვა გერმანული კლუბი მისვლიდან 14 თვის შემდეგ.
„ეს ძველი ამბავია. მწვრთნელებმა ჩვენი საქმე უნდა გავაკეთოთ, ჩვენ მხარს ვუჭერთ გარკვეულ იდეას… და კლუბის მხარდაჭერა ძალიან მნიშვნელოვანია, რადგან სხვაგვარად საქმე არ გამოვა. ამიტომ, როცა ასე არ ხდება, ჯობს დაშორდეთ. ასე მოხდა იქ. მაგრამ მეტი არაფერი. ჰიონესთან და რუმენიგესთან ფანტასტიკური ურთიერთობა მაქვს… ყველასთან. ეს ყველაფერი სამუშაოს ნაწილია. როცა კლუბის მხარდაჭერა არ გაქვს, ჯობს წახვიდე და თავიდან აირიდო პრობლემები“, – ციტირებს ანჩელოტის სიტყვებს AS.
64 წლის ანჩელოტი „ბაიერნს“ 2016 წლის ივლისიდან 2017 წლის სექტემბრამდე ხელმძღვანელობდა. მიუნხენური გუნდის სათავეში სპეციალისტი გერმანიის ჩემპიონი გახდა და ორჯერ მოიგო ქვეყნის სუპერთასი.
ავტორის პროფილი
- გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.
უახლესი პოსტები
კატეგორიის გარეშე28/10/2025 | 12:33თბილისის აკადემია ჩემპიონია
კატეგორიის გარეშე23/09/2025 | 00:56… ის არის დემბელე!
კატეგორიის გარეშე01/09/2025 | 22:46კიდევ ერთი ქართველი უოტფორდში
კატეგორიის გარეშე16/08/2025 | 22:05კიტეიშვილის დუბლი შესვენებამდე