31 წლის ქართველი ჩოგბურთელის ნიკოლოზ ბასილაშვილის ცუდი დროება გრძელდება. ერთ დროს საუკეთესო 20 ჩოგბურთელში მოტრიალე ბასილაშვილი ბერგამოს ჩელენჯერის ძირითად ბადეშიც ვერ გავიდა.
ჩვენებური კვალიფიკაციის გადამწყვეტ რაუნდში მსოფლიოს 234-ე ჩოგან ბილი ჰარისსთან 5:7, 1:6 დამარცხდა.
არადა, პირველ სეტში ბასილაშვილი მოგებასთან ახლოს იყო და სამმაგი სეტ-პოინტიც ჰქონდა, მაგრამ ვერც სეტი მოიგო და შემდეგ მატჩიც ზედ მიაყოლა.
შეგახსენებთ, პირველ საკვალიფიკაციო რაუნდში ბასილაშვილმა ლიბანელ ჰადი ჰაბიბს 6:4, 6:1 სძლია.