კიდევ ერთი ქართველი იტალიაში…

ივა გელაშვილის ტრანსფერი სერია B-ს კლუბ „სპეციაში“ იტალიურმა კლუბმა ოფიციალურდ დონეზე დაადასტურა.

„სპეცია“ გასულ სეზონში სერია A-ში თამაშობდა, მაგრამ იქ ადგილის შენარჩუნება ვერ მოახერხა. გუნდის მთავარი მწვრთნელია მასიმილიანო ალვინი, ვინც წინა ჩემპიონატში ლუკა ლოჩოშვილის „კრემონეზეს“ წვრთნიდა.

22 წლის გელაშვილი ბოლოს თბილისის „საბურთალოში“ თამაშობდა, მას პრაღის „სპარტის“ სკოლა აქვს გავლილი, იყო ამ გუნდის 19-წლამდელთა წევრი.

იტალიურ კლუბში ის ერთწლიანი იჯარით ითამაშებს, რომლის დასრულების შემდეგ ლიგურიის საპორტო ქალაქის კლუბს მისი ტრანსფერის გამოსყიდვის უფლება ექნება 1+3 სისტემით.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...