„ნაპოლის” ყოფილი სპორტული დირექტორი კრისტიანო ჯიუნტოლი „იუვენტუსში” მივიდა და „ბებერი ქალბატონის” სატელევიზიო არხს პირველი ტურინული ინტერვიუც მისცა.
– როგორია თქვენი პირველი განცდა „იუვენტუსის” მენეჯერის რანგში?
— წარმოუდგენელი. ენით აუწერელი. მე ის ბავშვი ვარ, რომელიც პრატოდან მატარებლით 8 საათი ვმგზავრობდი რათა „იუვენტუსის” თამაშს დავსწრებოდი. ამიტომაც აქ ყოფნა დიდი ბედნიერება და წარმოუდგენელი ემოციაა.
— ვინ გახსენდებათ დღეს, თქვენი ცხოვრების პირველ შავ-თეთრ წუთებში?
— მამა, „იუვენტუსის” დიდი გულშემატკივარი. მან ბავშვობიდან მაზიარა „იუვეს” სულს. ამის გამო მე მუდამ მისი მადლობელი ვიქნები, თუმცა გულში გარკვეული მელანქოლიაც მიტრიალებს.
— ზედსართავი სახელი, რომელსაც „იუვენტუსს” წაუმძღვარებდით.
— მომხიბვლელი… ამბიციური…
— ზედსართავი სახელი ჯიუნტოლისთვის…
— საკუთარ თავზე ლაპარაკი ძნელია. მე ყოველთვის სხვებზე მეტი მუშაობა მიწევდა. უკეთ გამომდის თუ არა ამას დრო გვაჩვენებს. ერთი ვიცი, რომ ნამდვილად მუხლჩაუხრელი მუშაკი ვიქნები.
— რას ითხოვს „იუვენტუსი” თავისი პერსონალისგან?
— ჩვენ ყველამ უნდა უკუვაგდოთ ეგო და ვიაზროვნოთ როგორც ერთმა ორგანიზმმა. მე მინდა ბევრ გონებას ერთი გული ჰქონდეს.