სანდრო გრეგთან…

საქართველოს საკალათბურთო ნაკრების ფორვარდი სანდრო მამუკელაშვილი კარიერას „სან ანტონიოში“ გააგრძელებს, – ეს ინფორმაცია „სან ანტონიომ“ ოფიციალურად დაადასტურა.

ცოტა ხნის წინ „მილუოკი ბაქსმა“ 23 წლის კალათბურთელს კონტრაქტი გაუწყვიტა, რის შემდეგაც სანდრო გრეგ პოპოვიჩის გუნდმა აიყვანა, კონტრაქტის დეტალები კი, ჯერჯერობით, უცნობია.

მამუკელაშვილი „სან ანტონიოში“ 54-ნომრიანი მაისურით ითამაშებს. ის მოხვდა NBA-ს 5-გზის ჩემპიონ კლუბში, რომლის ღირსება თავის დროზე ტიმ დანკანს, მანუ ჯინობილის, ტონი პარკერს და სხვა დიდ ვარსკვლავებს დაუცავთ, მთავარი მწვრთნელიც ლეგენდარული კაცია – 74 წლის გრეგ პოპოვიჩი.

„სპურსი“ 16 მოგებითა და 47 წაგებით დასავლეთ კონფერენციაში მე-14 ადგილზეა.

No description available.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.