იუვენტუსი ვლაჰოვიჩის გასაყიდად ემზადება

Dusan Vlahovic earns Ballon d'Or nomination for first time in his career - Black & White & Read All Over „იუვენტუსის“ თავდამსხმელმა დუშან ვლაჰოვიჩმა, შესაძლოა, მალე ტურინული კლუბი დატოვოს.

„იუვეს“ ხელმძღვანელობა მზადაა კლუბისთვის სანქციების დაწესების შემდეგ (გუნდს სატრანსფერო მაქინაციების გამო სერია A-ში 15 ქულა ჩამოაკლეს), სერბ თავდამსხმელს საბიუჯეტო პრობლემების გამო დაშორდეს. იტალიელები დუშანის ტრანსფერში მინიმუმ 80 მილიონი ევროს მიღებას გეგმავენ.

გავრცელდა ინფორმაცია, რომ ვლაჰოვიჩით „არსენალი,“ „ჩელსი“ და „მანჩესტერ იუნაიტედი“ დაინტერესდნენ.

დუშანი „იუვენტუსში“ 2022 წლის იანვრიდან თამაშობს. „ბებერ ქალბატონთან“ მისი ამჟამინდელი კონტრაქტი 2026 წლამდეა გათვლილი. მისმა აგენტმა კი განაცხადა, რომ ფეხბურთელს შეუძლია „იუვე“ ზამთრის სატრანსფერო ფანჯარისას დატოვოს..

მიმდინარე სეზონში 23 წლის სერბმა, ტურინული კლუბშის მაისურით ყველა ტურნირზე 16 მატჩი ჩაატარა, შვიდი ბურთი გაიტანა და ორი საგოლე გადაცემა შეასრულა.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...