ხვიჩას ტური… – სარბიელი

ფეხბურთის ანალიტიკისა და სტატისტიკის საერთაშორისო პორტალმა Whoscored.com-მა სერია A-ს XVIII ტურის საუკეთესო მოთამაშედ ხვიჩა კვარაცხელია დაასახელა – ვებ გვერდმა ქართველ თავდამსხმელს ყველაზე მაღალი შეფასება (9,8) დაუწერა და ტურის სიმბოლურ ნაკრებშიც შეიყვანა.

„იუვენტუსთან” 5:1 გამარჯვებაში „ნაპოლის” ქართველმა შემტევმა ერთ-ერთი გადამწყვეტი როლი ითამაშა – გოლისა და 2 საგოლე პასის გარდა, 21 წლის კვარაცხელიამ პირველ გოლშიც ლომის წილი დაიდი – ხვიჩას მაკრატელმა შჩესნიმ კი მოიგერია, მაგრამ დამატებაზე ოსიმენმა იყოჩაღა.

კვარაცხელიას გარდა, სერია A-ს XVIII ტურის სიმბოლურ ნაკრებში „ნაპოლის” კიდევ სამი ფეხბურთელი მოხვდა – გუნდის კაპიტანი ჯოვანი დი ლორენცო (7,7), ამირ რაჰმანი (7,8) და ვიქტორ ოსიმენი (9,4).

No description available.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...