ჩვენებმა წყვილად მოიგეს

საქართველოს ქალთა ნაკრები ოლიმპიადას ისევ ქულა დაუკარგავად აგრძელებს. მე-5 ტურში ჩვენებმა მასპინძელთა მეორე ნაკრები 3:1 დაამარცხეს. პარტიები მოიგეს ლელა ჯავახიშვილმა და მერი არაბიძემ, ხოლო ნანა ძაგნიძე და ნინო ბაციაშვილი მეტოქეებს ყაიმზე შეუთანხმდნენ.

5 ტურის შემდეგ საქართველოს ქალთა ნაკრებს 5 მოგება აქვს და ინდოეთის პირველ და რუმინეთის ნაკრებ გუნდებთან ერთად 1-3 ადგილებს იყოფს. 9-9 ქულა აქვთ უკრაინას, აზერბაიჯანსა და ყაზახეთს.

მეექვსე ტურში ჩვენებს ოლიმპიადის ერთ-ერთი მთავარი მატჩი ელით – მასპინძელ ინდოეთის ნაკრებთან.

ვაჟთა ნაკრების მეტოქე პარაგვაის ნაკრები იყო და ჩვენებმა დამაჯერებლად იმარჯვეს – 3.5:0.5. ბაადურ ჯობავამ, ლუკა პაიჭაძემ და ლევან ფანცულაიამ მომგებიანი პარტიები ჩაატარეს, ხოლო მიხეილ მჭედლიშვილმა შეხვედრა ყაიმით დაასრულა.

ტურნირს 10-10 ქულით ინდოეთის მეორე გუნდი და სომხეთი ლიდერობენ; 9-9 ქულა აქვთ – ინდოეთის პირველ, ამერიკის, კუბის, ირანისა და უზბეკეთის ნაკრებებს. შემდეგ 8 ქულით ჩვენები არიან, საკმაოდ დიდ ჯგუფთან ერთად.

მეექვსე ტურში საქართველო ნიდერლანდებს ეთამაშება.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...

უახლესი პოსტები

Post Views: 20