აუცრელი ჯოკოვიჩი ამერიკაშიც არ შეუშვეს

ჯოკოვიჩი ინდიან უელსისა და მაიამის „მასტერსებიდან“ მოიხსნა #1TVSPORT - 1TV სერბი ჩოგბურთელი ნოვაკ ჯოკოვიჩ ინდიან უელსისა და მაიამის ტურნირებზე ვერ ითამაშებს. მიზეზი ის არის, რომ „დიდი მუზარადის“ ტურნირების 20-გზის გამარჯვებულს კორონა ვირუსის საწინააღმდეგო ვაქცინის გაკეთება არ სურს. შესაბამისად, ნოლემ ამერიკაში შესვლის უფლება ვერ მიიღო.

„მიუხედავად იმისა, რომ ინდიან უელსისა და მაიამის ტურნირებში ავტომატურად ჩავერთე, ვიცოდი, რომ იქ თამაში არ მომიწევდა. აშშ-ის დაავადების კონტროლისა და პრევენციის ცენტრმა დაადასტურა, რომ წესებს არ შეცვლიან. ამრიგად, წლეულს ამერიკაში ვერ ვითამაშებ. წარმატებები მათ, ვინც ამ ზღაპრულ მარათონში მონაწილეობს“, – დაწერა ნოვაკ ჯოკოვიჩმა სოციალურ ქსელში.

შეგახსენებთ, ვაქცინაციაზე უარის გამო, იანვარში, სერბი ჩოგბურთელი ავსტრალიიდან იმავე მიზეზითა და სკანდალით გააძევეს.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.