ლეიკერსმა თავი მოიმკვდარუნა

ამაღამ მსოფლიოს ყველაზე ძლიერ საკალათბურთო ლიგაში რეგულარული სეზონი დაიწყება. „გოლდენ სტეიტის“ პირველი მეტოქე ვარსკვლავთკრებული „ლეიკერსი“ იქნება.

ჟურნალისტებმა „გოლდენ სტეიტის“ მთავარ მწვრთნელ სტივ კერის მეტოქის არადამაჯერებელი წინასასეზონო სერიის შესახებ ჰკითხეს – 6 შეხვედრაში 6 მარცხი ნამდვილად მეტისმეტია.

„მგონია, რომ „ლეიკერსმა“ უბრალოდ თავი მოიმკვდარუნა. ეს უაღრესად გამოცდილი გუნდია და კარგად ესმით, რომ წინასასეზონო მატჩები ბევრს არაფერს ნიშნავს. დარწმუნებული ვარ, ჩვენთან შეხვედრაში ისინი სრულად მობილიზებულნი გამოვლენ“, – განაცხადა სტივ კერმა.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".