სამყარო საქართველოს წინააღმდეგ

ბერძნულ-რომაული ჭიდაობა. მეტოქე თითქოს, მთელი სპორტული სამყარო საქართველოს წინააღმდეგ არის. ჯერ იყო და ძალოსნობას, სადაც ოქროს მედლები, თავის მსოფლიო რეკორდებით თითქმის გარანტირებული გვქონდა, დაეტაკნენ და ოლიმპიადიდან უნდათ ამოღება, ახლა იგივე ბედი ბერძნულ-რომაულ ჭიდაობას ელის.

ამის თაობაზე, გაერთიანებული მსოფლიო ჭიდაობის (UWW ) აღმასრულებელი კომიტეტის წევრმა, აზერბაიჯანელმა ნაგიმ ალიევმა განაცხადა. ბერძნულ-რომაულ ჭიდაობას მოკვეთა 2024 წელს, პარიზში გასამართ ოლიმპიურ თამაშებზე ემუქრება.

„ბოლო წლებში ბერძნულ-რომაულმა ჭიდაობამ პოპულარობა დაკარგა. მიუხედაად იმისა, რომ UWW ყველაფერს აკეთებს, რათა გულშემატკივარი დააკმაყოფილოს და ცვლილებებს ანხორციელებს. თუმცა, არაფერი იცვლება. 2022 წელს, დაკარში გაიმართება მსოფლიოს ახალგაზრდული ოლიმპიადა, სადაც ბერძნულ-რომაულის ჭიდაობა პლაჟის ჭიდაობით იქნება ჩანაცვლებული. UWW-ს აღმასრულებელი კომიტეტის სხდომაზე, თითქმის დარწმუნებით ითქვა, რომ 2024 წელს ბერძნულ-რომაული ჭიდაობა ოლიმპიური თამაშებიდანაც იქნება ამოღებული“, – აცხადებს ალიევი.

შეგახსენებთ, რომ ბერნულ-რომაული ჭიდაობა ოლიმპიურ თამაშებში 1896 წლიდან არის ჩართული.

ავტორის პროფილი

გიორგი ვაშაკიძე: გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.

უახლესი პოსტები

Post Views: 11