ფულის ამბავია, თორემ…

დღეს, მსოფლიო ფეხბურთში ერთი მთავარი თემაა: როდეს განახლდება შეწყვეტილი ჩემპიონატები და განახლდება თუ არა ისინი საერთოდ.

„მანჩესტერ იუნაიტედის” ვეტერანს, ტელემიმომხილველ გარი ნევილს ამ საკითხზე თავისი შეხედულება აქვს. ის პირდაპირ ამბობს იმას, რასაც სხვები გვერდს უვლიან.

გარი ნევილი: „ვფიქრობ, გადაწყვეტილებაზე ეკონომიკური მხარე რომ არ მოქმედებდეს, ფეხბურთი ჯერ კიდევ ბევრი თვის განმავლობაში არ დაბრუნდებოდა. დღეს ჩვენ ვხედავთ, რომ ხალხი რისკებს წონის და აფასებს. რა დევს სასწორზე? რა მოხდება თუკი შეწყვეტილი ჩემპიონატები განახლდება?

დღეს ფეხბურთის დაბრუნება-არდაბრუნების საკითხზე მხოლოდ და მხოლოდ ეკონომიკური საკითხის გამო ვფიქრობთ, თორემ აქ სალაპარაკო არაფერი იქნებოდა. სხვა საქმეა, რომ მე ამის მესმის…”