ჩოგბურთის სამი არსენა მარაბდელი

თანამედროვე ჩოგბურთის სამმა ლეგენდამ მოწინავე ასეულის წევრ კოლეგებს მიმართა. ნოვაკ ჯოკოვიჩის, რაფაელ ნადალის და როჯერ ფედერერის იდეა მარტივია: დაეხმარონ რეიტინგში დაბალ საფეხურებზე მდგომ ჩოგბურთელებს, კორონავირუსით გამოწვეული იძულებითი უმუშევრობის (შესაბამისად – უშემოსავლობის) დაძლევაში.

რეიტინგში ადგილების მიხედვით, ელიტის თითოეულმა წევრმა არცთუ დიდი თანხა უნდა გაიღოს: 1-5 ადგილი – 30 000 $; 6-10 ადგილი – 20 000$; 10-20 ადგილი – 15000$; 20-50 ადგილი – 10000$; 50-100 ადგილი – 5000$.

ამ თანხას საკუთარ წვლილს წაუმატებენ ATP ტურის შეჯიბრთა ორგანიზატორები. შეგროვილი თანხა საკმარისი იქნება, რომ რეიტინგში 250-დან მე-700 ადგილამდე მყოფ ჩოგბურთელებს 10-10 ათასი დოლარი გადაეცეთ.

შეგახსენებთ, რომ ხსენებული სამის გარდა რეიტინგის მოწინავე ხუთეულში დომინიკ ტიმი და საშა ზვერევი შედიან.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".