აღარ ვუყუროთ ჩოგბურთს?!

შეგვიძლია, ჩოგბურთს აღარ ვუყუროთ. ამაზე დიდი დრამის წარმოდგენაც შეუძლებელია. ნოვაკ ჯოკოვიჩმა უიმბლდონის ფინალში როჯერ ფედერერს 7:6, 1:6, 7:6, 4:6, 13:12 მოუგო.

სტატისტიკა ამბობს, როჯერი უკეთესი იყოო, მაგრამ ფაქტია – თასი ნოვაკმა აღმართა…

ამას ვერ აღწერ. უნდა გენახა. წლევანდელმა უიმბლდონმა ფედერერი – ნადალის და ფედერერი – ჯოკოვიჩის ორი სუპერბრძოლა გვაჩუქა და ისედაც დარჩებოდა ისტორიაში.

ჯოკოვიჩი და ფედერერი 48-ედ დაეჯახნენ ერთმანეთს და ნოვაკი უკვე 26:22 უგებს. სერბს როჯერთან 2013-2014 წლებშიც აქვს მოგებული ფინალები. ბოლო ხუთსეტიანი ჯახიც მათი იყო, ყველაზე დამღლელი კი როჯერმა ენდი როდიკთან იბურთავა, როცა მეხუთე სეტში 16:14 იმარჯვა.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".