ჟორჟის ყიდვა ბრენტფორდსაც მოუნდა

Malick FOFANA - 69 Georges MIKAUTADZE during the Ligue 1 MCDonald's match between Angers and Lyon at Stade Jean Bouin on December 7, 2024 in Angers,... — მიქაუტაძე და ფოფანა

„ლიონის’’ გულშემატკივრები სუნთქვაშეკრულები ელოდებიან სატრანსფერო ბაზრის დახურვას. მათმა გუნდმა ახალი სეზონი შესანიშნავად დაიწყო, ორი თამაშიდან ორი მოიგო და ეს დიდწილად ჟორჟ მიქაუტაძისა და მალიკ ფოფანას ძალისხმევით შეძლო, მაგრამ მაინცდამაინც ამ ორი ფეხბურთელის მომავალია ბუნდოვანი. შეგახსენებთ, რომ ვითარება მას მერე აირია, რაც ბელგიელმა ფოფანამ გამოაცხადა, რომ ამ ზაფხულს აღარსად უნდა წასვლა, რადგან მისთვის შესაფერისი კლუბი ვერ მოიძებნა. „ლიონმა’’, რომელსაც ფული სჭირდება იფიქრა, რომ რაკი ფოფანა რჩება, მაშინ თანხის საშოვნელად მიქაუტაძის გაყიდვაა საჭირო.

გუშინ დაიწერა, რომ ქართველი თავდამსხმელის გადაბირება ესპანურ „ვილიარეალს’’ სურს. ვალენსიის თემში შემავალი ქალაქის კლუბი თითქოსდა მზად არის „ლიონის’’ 69 ნომერში 30 მილიონი ევრო გადაიხადოს, მაგრამ გვიან საღამოს მდგომარეობა გართულდა, რადგან Foot Mercato-მ დაწერა, რომ გამოჩნდა კიდევ ერთი მყიდველი: ინგლისური „ბრენტფორდი’’. როგორც პრემიერლიგის ყველა კლუბს, „ბრანტფორდსაც’’ კონტიტენტის კლუბების უმეტესობაზე უკეთესი ფინანსური მდგომარეობა აქვს და მოსალოდნელია, რომ თუ მოინდომებს, ვაჭრობაში გაიმარჯვებს.

ფრანგული მედია წერს, რომ ინგლისელებს „ლიონისთვის’’ ოფიციალური წინადადება ჯერ არ გაუგზავნიათ. აქვე საინტერესოა, როგორ მოიქცევა რონისპირული კლუბი, თუკი მიქაუტაძე მშობლიური ქალაქიდან სხვაგან გადაბარგებაზე უარს იტყვის. ბოლოს და ბოლოს მის სურვილსაც ხომ აქვს მნიშვნელობა.

ერთი შკარაა, რომ ლიონელ გულშემატკივარს სურს, რომ მისი საყვარელი გუნდის ორივე ლიდერი – მიქაუტაძე და ფოფანა – „გრუპამა სთედიუმზე’’ დარჩეს.